ಬೆಂಗಳೂರು : ಹೈಕೋರ್ಟ್‌ ವಕೀಲ ಬಿ. ಬಾಲಕೃಷ್ಣ ನಿಧನ!

‘ಬೆಂಗಳೂರು ವಕೀಲರ ಸಂಘ’ದ ಹೈಕೋರ್ಟ್‌ ಘಟಕದ ಕಾರ್ಯಕಾರಿ ಸಮಿತಿ ಸದಸ್ಯ ಹಾಗೂ ‘ಬೆಂಗಳೂರು ವಕೀಲರ ಸಹಕಾರ ಸಂಘ’ದ ನಿರ್ದೇಶಕರೂ ಆಗಿದ್ದ ಆದ ವಕೀಲ ಬಿ.ಬಾಲಕೃಷ್ಣ ಅವರು ಬೆಂಗಳೂರಿನ ತಮ್ಮ ನಿವಾಸದಲ್ಲಿ ಮಂಗಳವಾರ ಸಂಜೆ 7.15ಕ್ಕೆ ಹೃದಯಾಘಾತದಿಂದ ನಿಧನರಾಗಿದ್ದಾರೆ.ಬಾಲಕೃಷ್ಣ ಅವರಿಗೆ 61 ವರ್ಷವಾಗಿತ್ತು. ನಗರದ ಜೈನ್‌ ಕಾಲೇಜಿನಲ್ಲಿ ರಸಾಯನಶಾಸ್ತ್ರ ವಿಭಾಗದಲ್ಲಿ ಪ್ರಾಧ್ಯಾಪಕಿಯಾಗಿರುವ ಪತ್ನಿ ಗೀತಾ ಮತ್ತು ಅರ್ಥಶಾಸ್ತ್ರ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಪಡೆದು ಲಂಡನ್‌ನಲ್ಲಿ ಉದ್ಯೋಗಿಯಾಗಿರುವ ಪುತ್ರಿ ಫಾಲ್ಗುಣಿಯನ್ನು ಅವರು ಅಗಲಿದ್ದಾರೆ. ಪಾರ್ಥಿವ ಶರೀರದ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ. ಸಂಜೆ 5ಕ್ಕೆ ಚಾಮರಾಜಪೇಟೆಯ ಟಿ.ಆರ್‌.ಮಿಲ್‌ ರಸ್ತೆಯ ಹಿಂದೂ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನಡೆಸಲಾಗುವುದು’.