ಪತಿಗೆ ಮದ್ಯ ಕುಡಿಸಿ ಪ್ರಿಯಕರನ ಜೊತೆ ಸೇರಿ ತಲೆ ಕತ್ತರಿಸಿದ ಪತ್ನಿ !

ಇಮ್ರಾನ್ ಎಂಬ ವ್ಯಕ್ತಿಯನ್ನು ಆತನ ಪತ್ನಿ ಶೀಬಾ ಮತ್ತು ಆಕೆಯ ಪ್ರಿಯಕರ ಫರ್ಮನ್ ಸೇರಿ ಕೊಂದಿದ್ದಾರೆ. ಶೀಬಾ ಮತ್ತು ಫರ್ಮನ್ ಕಳೆದ ಮೂರು ವರ್ಷಗಳಿಂದ ಅಕ್ರಮ ಸಂಬಂಧ ಹೊಂದಿದ್ದರು. ವಿದೇಶದಿಂದ 25 ದಿನಗಳ ಹಿಂದೆ ವಾಪಸ್ಸಾಗಿದ್ದ ಫರ್ಮನ್‌ನ ಸ್ನೇಹಿತ ರಫೀಕ್ ಕೂಡ ಈ ಕೃತ್ಯದಲ್ಲಿ ಭಾಗಿಯಾಗಿದ್ದಾನೆ.ಕಂಚನ್‌ಖೇಡಾ ಬಳಿ ನಗರದ ಚರಂಡಿಯಲ್ಲಿ ಇಮ್ರಾನ್‌ನ ತಲೆ ಕತ್ತರಿಸಿದ ದೇಹ ಪತ್ತೆಯಾಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದರು. ಮಂಗಳವಾರ ಈ ಪ್ರಕರಣವನ್ನು ಬೇಧಿಸಿದ ಪೊಲೀಸರು, ಇಮ್ರಾನ್‌ನ ಪತ್ನಿ ಶೀಬಾ ಮತ್ತು ಆಕೆಯ ಪ್ರಿಯಕರ ಫರ್ಮನ್‌ನನ್ನು ಬಂಧಿಸಿದ್ದಾರೆ. ಪ್ರಕರಣದ ಮತ್ತೊಬ್ಬ ಪ್ರಮುಖ ಆರೋಪಿ ರಫೀಕ್ ಇನ್ನೂ ತಲೆಮರೆಸಿಕೊಂಡಿದ್ದು, ಪೊಲೀಸರು ಆತನ ಪತ್ತೆಗಾಗಿ ಕಾರ್ಯಾಚರಣೆ ಮುಂದುವರಿಸಿದ್ದಾರೆ.