ನಂದಿಕೂರಿನಲ್ಲಿ 73 ಕೆ.ಜಿ. ಗಾಂಜಾ ನಾಶ

ಪಡುಬಿದ್ರಿ: ಉಡುಪಿ ಜಿಲ್ಲೆಯ ವಿವಿಧ ಪೊಲೀಸ್ ಠಾಣೆಗಳಲ್ಲಿ ವಶಪಡಿಸಿಕೊಂಡಿದ್ದ 73 ಕೆ.ಜಿ. ಗಾಂಜಾವನ್ನು ಶುಕ್ರವಾರ ನಂದಿಕೂರು ಕೈಗಾರಿಕಾ ಪ್ರದೇಶದಲ್ಲಿರುವ ಘಟಕದಲ್ಲಿ ವೈಜ್ಞಾನಿಕವಾಗಿ ನಾಶಪಡಿಸಲಾಯಿತು. 36.29 ಲಕ್ಷ ರೂ. ಮೌಲ್ಯದ ಈ ಗಾಂಜಾವನ್ನು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಹರಿರಾಮ್ ಶಂಕರ್ ನೇತೃತ್ವದಲ್ಲಿ, ಹೆಚ್ಚುವರಿ ಎಸ್‌ಪಿ ಸುಧಾಕರ್ ಹಾಗೂ ಇತರ ಅಧಿಕಾರಿಗಳ ಸಮ್ಮುಖದಲ್ಲಿ ಪರಿಶೀಲನೆ ನಡೆಸಿ ನ್ಯಾಯಾಲಯದ ಆದೇಶದಂತೆ ವಿಲೇವಾರಿ ಮಾಡಲಾಯಿತು. ಮಲ್ಪೆ, ಮಣಿಪಾಲ, ಶಿರ್ವ, ಕೋಟ, ಕಾಪು, ಉಡುಪಿ ನಗರ ಹಾಗೂ ಸೆನ್ ಅಪರಾಧ ಠಾಣೆಗಳ ಒಟ್ಟು 18 ಪ್ರಕರಣಗಳಲ್ಲಿ ವಶಪಡಿಸಿಕೊಂಡ ಮಾದಕ ವಸ್ತುಗಳನ್ನು ಈ ವೇಳೆ ನಾಶಪಡಿಸಲಾಯಿತು.