ವಿವಿಧೆಡೆ ಇಸ್ಪೀಟ್‌ ಅಡ್ಡೆಗೆ ಪೊಲೀಸ್‌ ದಾಳಿ: 7 ಜನ ಸೆರೆ; ಇಬ್ಬರು ಪರಾರಿ

ಉಡುಪಿ ಜಿಲ್ಲೆಯ ಕೊಡ್ಲಾಡಿ ಗ್ರಾಮದ ಮಾರ್ಡಿಯಲ್ಲಿ ಇಸ್ಪೀಟ್ ಆಡುತ್ತಿದ್ದ ಅಡ್ಡೆ ಮೇಲೆ ಶಂಕರನಾರಾಯಣ ಠಾಣೆ ಪೊಲೀಸರು ದಾಳಿ ನಡೆಸಿ ಅಶೋಕ್ ಬೋವಿ, ಭಾಸ್ಕರ್ ನಾಯ್ಕ ಹಾಗೂ ಭಾಸ್ಕರ್ ಶೆಟ್ಟಿ ಎಂಬ ಮೂವರನ್ನು ವಶಕ್ಕೆ ಪಡೆದಿದ್ದಾರೆ. ಇಬ್ಬರು ಆರೋಪಿಗಳು ಸ್ಥಳದಿಂದ ಪರಾರಿಯಾಗಿದ್ದಾರೆ. ₹1,390 ನಗದು ಹಾಗೂ ಇತರ ಪರಿಕರಗಳನ್ನು ಜಪ್ತಿ ಮಾಡಲಾಗಿದೆ. ಇನ್ನೊಂದೆಡೆ ಮಡಾಮಕ್ಕಿ ಗ್ರಾಮದ ಅಡಿಕೆ ತೋಟದ ತೆರೆದ ಶೆಡ್‌ನಲ್ಲಿ ಇಸ್ಪೀಟ್ ಆಡುತ್ತಿದ್ದವರ ಮೇಲೆ ಅಮಾಸೆಬೈಲು ಪೊಲೀಸರು ದಾಳಿ ನಡೆಸಿದ್ದಾರೆ. ಕಿರಣ ಕುಂಟಮಕ್ಕಿ, ಚಂದ್ರ ಪೂಜಾರಿ, ಸುದರ್ಶನ ಪೂಜಾರಿ ಹಾಗೂ ರಾಘವೇಂದ್ರ ಬೇಳಂಜೆ ಅವರನ್ನು ವಶಕ್ಕೆ ಪಡೆಯಲಾಗಿದೆ. ಆಟಕ್ಕೆ ಪಣವಾಗಿಟ್ಟಿದ್ದ ₹4,000 ನಗದು ಹಾಗೂ ಇತರ ವಸ್ತುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದು, ಅಮಾಸೆಬೈಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.