ಅರಕೇರ ತಾಲ್ಲೂಕಿನಲ್ಲಿ 51 ಗಾಂಜಾ ಗಿಡ ಜಪ್ತಿ, ಆರೋಪಿ ಬಂಧನ

ರಾಯಚೂರು: ಅರಕೇರ ತಾಲ್ಲೂಕಿನ ದೇವರಗುಡ್ಡ ಗ್ರಾಮದ ಹೊಲವೊಂದರಲ್ಲಿ ಅಕ್ರಮವಾಗಿ ಬೆಳೆದಿದ್ದ 51 ಗಾಂಜಾ ಗಿಡಗಳನ್ನು ಜಾಲಹಳ್ಳಿ ಪೊಲೀಸರು ಬುಧವಾರ ಜಪ್ತಿ ಮಾಡಿದ್ದಾರೆ. ಸಿಪಿಐ ಪುಂಡಲೀಕ ಪಟ್ಟೆದಾರ ನೇತೃತ್ವದಲ್ಲಿ ದಾಳಿ ನಡೆಸಿದ ಪೊಲೀಸರು ₹11,94,500 ಮೌಲ್ಯದ 23 ಕೆ.ಜಿ 890 ಗ್ರಾಂ ಹಸಿ ಗಾಂಜಾ ಗಿಡಗಳನ್ನು ವಶಪಡಿಸಿಕೊಂಡಿದ್ದಾರೆ. ಗಾಂಜಾ ಬೆಳೆದ ಆರೋಪದಡಿ ಮದರಕಲ್ ಗ್ರಾಮದ ಸಾಬಣ್ಣ ಮಹಾದೇವಪ್ಪ ಎಂಬಾತನನ್ನು ಬಂಧಿಸಲಾಗಿದ್ದು, ಜಾಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.