ಬಟ್ಟೆ ಒಗೆಯುವ ವೇಳೆ ನದಿ ನೀರಿನ ರಭಸಕ್ಕೆ ಕೊಚ್ಚಿ ಹೋದ ಮಹಿಳೆ

ಚಿಂಚೋಳಿ: ಮಹಿಳೆಯೊಬ್ಬರು ‌ಬಟ್ಟೆ ಒಗೆಯುವಾಗ‌ ‌ನದಿ ನೀರಿನ ಪ್ರವಾಹಕ್ಕೆ ಕೊಚ್ಚಿ ಹೋದ ಘಟನೆ ತಾಲೂಕಿನ ಕರ್ಚಖೇಡ ಗ್ರಾಮದಲ್ಲಿ ನಡೆದಿದೆ.
ಕರ್ಚಖೇಡ ಗ್ರಾಮದ ಬುಜ್ಜಮ ಜರಣಪ್ಪ ಯಂಪಳ್ಳಿ(35) ಮುಲ್ಲಾಮಾರಿ‌ ನದಿ ನೀರಿನ ರಭಸಕ್ಕೆ ‌ಕೊಚ್ಚಿ ಹೋದ ಮಹಿಳೆ.
ಅ.1ರ ಮಂಗಳವಾರ ರಾತ್ರಿ ತಾಲೂಕಿನಲ್ಲಿ ಬಿರುಸಿನ ಮಳೆಯಿಂದಾಗಿ ನದಿಯಲ್ಲಿ ನೀರು ರಭಸದಿಂದ ಹರಿಯುತ್ತಿರುವ ಕಾರಣ ಮಹಿಳೆಯ ಶವ ಇನ್ನೂ ಪತ್ತೆಯಾಗಿಲ್ಲ.
ಚಿಂಚೋಳಿ ಅಗ್ನಿಶಾಮಕ ಠಾಣೆಯ ಸಿಬ್ಬಂದಿ ಮತ್ತು ಸುಲೇಪೇಟ‌ ಪೊಲೀಸ್ ಠಾಣೆಯ ಪೊಲೀಸರು ಕರ್ಚಖೇಡ ಗ್ರಾಮಕ್ಕೆ ಭೇಟಿ ‌ನೀಡಿದ್ದಾರೆ. ಬಿರುಸಿನ ಮಳೆಯಿಂದಾಗಿ ಮುಲ್ಲಾಮಾರಿ‌ ನದಿ ನೀರು ತುಂಬಿ ಹರಿಯುತ್ತಿದೆ.