ದೇವಿ ಜಾತ್ರೆಯಲ್ಲಿ ಎರಡು ತೇರುಗಳು ನೆಲಕ್ಕೆ ಉರುಳಿಬಿದ್ದು ಗಂಭೀರವಾಗಿ ಗಾಯ ಇಬ್ಬರ ಸಾವು.!

ಜಾತ್ರೆಯ ದುರಂತದಿಂದ 6ನೇ ತರಗತಿಯ ಮೃತ ಜ್ಯೋತಿ ಎಂಬ ಬಾಲಕಿಯ ತಾಯಿ ಗಂಗಮ್ಮ ತಮ್ಮ ನೋವನ್ನು ತೋಡಿಕೊಂಡಿದ್ದು, ಜಾತ್ರೆಗಳಲ್ಲಿ ಗೊಂಬೆಗಳ ವ್ಯಾಪಾರ ಮಾಡುತ್ತೇವೆ. ಕೆಂಗೇರಿಯಿಂದ ಗೊಂಬೆಗಳ ಮಾರಾಟ ಮಾಡಲು ಜಾತ್ರೆಗೆ ಬಂದಾಗ ಈ ಅನಾಹುತ ನಡೆದಿದೆ. ಶಾಲೆ ರಜೆ ಇರುವ ಕಾರಣ ಮನೆಯಲ್ಲಿ ಮಗಳು ಒಬ್ಬಳೇ ಇರುತ್ತಾಳೆಂದು ಜಾತ್ರೆಗೆ ಕರೆದುಕೊಂಡು ಬಂದಿದ್ದೆ. ಜಾತ್ರೆಯಲ್ಲಿ ಅಂಗಡಿ ಹಾಕಿದ್ದಾಗ ಜೋರು ಮಳೆ ಬಂತು. ಆಗ ಮಗಳ ಮೇಲೆ ತೇರುಬಿದ್ದಿದೆ. ಕೂಡಲೇ ಆಸ್ಪತ್ರೆಗೆ ಕರೆದುಕೊಂಡು ಹೋದ್ರೂ ಜೀವ ಉಳಿಯಲಿಲ್ಲ. ಈವರೆಗೂ ಯಾರೂ ನಮ್ಮ ನೋವು ಕೇಳಲಿಲ್ಲ ಎಂದು ಕಣ್ಣೀರು ಸುರಿಸಿದರು