ಚಿನ್ನಸ್ವಾಮಿಯಲ್ಲಿ ಕಾಲ್ತುಳಿತಕ್ಕೆ ಅಭಿಮಾನಿಗಳ ಸಾವು!!

ಬೆಂಗಳೂರು ಪಂಜಾಬ್‌ ಕಿಂಗ್ಸ್‌ ವಿರುದ್ಧ 6 ರನ್‌ಗಳ ಗೆಲುವನ್ನು ದಾಖಲಿಸಿ ಇದೇ ಮೊದಲ ಬಾರಿಗೆ ಚಾಂಪಿಯನ್‌ ಆಗಿದೆ.ಈ ನಿಟ್ಟಿನಲ್ಲಿ ನಗರದಲ್ಲಿಂದು ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ವಿಜಯಯಾತ್ರೆ ಆಯೋಜಿಸಲಾಗಿತ್ತು.ಆರ್‌ಸಿಬಿ ತಂಡ ಚಿನ್ನಸ್ವಾಮಿಯತ್ತ ತೆರಳಿತು. ಈ ವೇಳೆ ಚಿನ್ನಸ್ವಾಮಿ ಪ್ರವೇಶಿಸಲು ಏಕಾಏಕಿ ಗೇಟ್‌ ತೆಗೆಯಲಾಗಿದ್ದು, ಅಭಿಮಾನಿಗಳು ಒಳನುಗ್ಗುವ ಭರದಲ್ಲಿ ಕಾಲ್ತುಳಿತ ಉಂಟಾಗಿ 10 ಅಭಿಮಾನಿಗಳು ಸಾವನ್ನಪ್ಪಿದ್ದಾರೆ.ಇನ್ನೂ 21 ಮಂದಿ ಗಾಯಗೊಂಡಿದ್ದಾರೆ ಎನ್ನಲಾಗಿದ್ದು, 7 ಮಂದಿ ಸ್ಥಿತಿ ಗಂಭೀರ ಎನ್ನಲಾಗುತ್ತಿದೆ. ಹೀಗೆ ಕಾಲ್ತುಳಿತ ಉಂಟಾಗುವುದಕ್ಕೂ ಮುನ್ನ ಅಭಿಮಾನಿಗಳು ಹೇಗೆ ಒಂದೆಡೆಯಿಂದ ಇನ್ನೊಂದೆಡೆಗೆ ಸಾಗಲು ಬೇರೆ ಅಭಿಮಾನಿಗಳ ಮೇಲೆ ಕಾಲಿಟ್ಟು ಸಾಗುತ್ತಿರುವ ದೃಶ್ಯವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.