ಮಾದಕ ವಸ್ತು ಕಳ್ಳಸಾಗಾಣಿಕೆ ಮಾಡುತ್ತಿದ್ದ ಶಿಕ್ಷಕಿ ಬಂಧನ!

ದಂಧೆಯ ಕಿಂಗ್​ಪಿನ್ ಸೀಮಾ ಸಿನ್ಹಾ ಟ್ಯೂಷನ್​ ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದಳು. ಈ ಬಿಹಾರದ ರಾಜಧಾನಿ ಪಟನಾದ ನಿವಾಸಿ. ಈ ದಂಧೆಯಿಂದಲೇ ಕಳೆದ ಎರಡು ವರ್ಷಗಳಲ್ಲಿ ಆಕೆ 20 ಕೋಟಿ ರೂಪಾಯಿಗಳ ವಹಿವಾಟು ನಡೆಸಿದ್ದಾಳೆ. ಇದನ್ನು ಕೇಳಿ ಪೊಲೀಸರೇ ಒಂದು ಕ್ಷಣ ದಂಗಾಗಿದ್ದಾರೆ. ಅಷ್ಟರ ಮಟ್ಟಿಗೆ ಡ್ರಗ್ಸ್​ ಜಾಲದಲ್ಲಿ ಆಕೆಯ ಪ್ರಭಾವ ಇತ್ತು. ಚಾವಕ್ಕಾಡ್ ನಿವಾಸಿಗಳಾದ ಫಜಲ್ ಮತ್ತು ನೆಜಿಲ್ ಅವರನ್ನು ತ್ರಿಶೂರ್ ರೈಲ್ವೆ ನಿಲ್ದಾಣದಲ್ಲಿ MDMA ಯೊಂದಿಗೆ ಪೊಲೀಸರು ಬಂಧಿಸಿದ್ದರು. ಆರೋಪಿಗಳ ವಿಚಾರಣೆ ವೇಳೆ ಸೀಮಾ ಸಿನ್ಹಾಳ ಹೆಸರನ್ನು ಬಾಯ್ಬಿಟ್ಟಿದ್ದರು. ನಮಗೆ MDMA ಕೊಟ್ಟಿದ್ದು ಸೀಮಾ ಸಿನ್ಹಾ ಎಂದು ಆರೋಪಿಗಳು ಪೊಲೀಸರ ಮುಂದೆ ಹೇಳಿದ್ದರು.