INDIA Vs AMERICA: F-35 ಜೆಟ್‌ಗಳನ್ನು ಖರೀದಿಸಲ್ಲ- ಅಮೆರಿಕಕ್ಕೆ ಭಾರತ ಸ್ಪಷ್ಟ ಸಂದೇಶ..!

ಈ ವರ್ಷ ಫೆಬ್ರವರಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ವಾಷಿಂಗ್ಟನ್‌ನಲ್ಲಿ ಟ್ರಂಪ್‌ ಅವರನ್ನು ಭೇಟಿಯಾಗಿದ್ದರು. ಈ ವೇಳೆ ಟ್ರಂಪ್ ಈ ವರ್ಷದಿಂದ ಭಾರತಕ್ಕೆ ಶಸ್ತ್ರಾಸ್ತ್ರ ಮಾರಾಟವನ್ನು ಹಲವಾರು ಶತಕೋಟಿ ಡಾಲರ್‌ಗಳಷ್ಟು ಹೆಚ್ಚಿಸುವುದಾಗಿ ಹೇಳಿದ್ದರು. ಇದರಲ್ಲಿ ಎಫ್ -35 ಸ್ಟೈಲ್ತ್ ಫೈಟರ್ ಜೆಟ್‌ಗಳು ಸಹ ಸೇರಿವೆ. ಈ ಜೆಟ್ ಅನ್ನು ವಿಶ್ವದ ಅತ್ಯಂತ ಮುಂದುವರಿದ ಯುದ್ಧ ವಿಮಾನಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಇದು ಶತ್ರು ರಾಡಾರ್‌ಗಳನ್ನು ತಪ್ಪಿಸಬಲ್ಲದು. ಅಲ್ಲದೇ ಇದು ಹಲವು ರೀತಿಯ ದಾಳಿಗಳನ್ನು ನಡೆಸಬಲ್ಲದು. ಆದರೆ ಇದೀಗ ಟ್ರಂಪ್ ಸುಂಕಗಳೊಂದಿಗೆ ಭಾರತದ ಮೇಲೆ ಒತ್ತಡ ಹೇರಿದರು.ವರದಿಗಳ ಪ್ರಕಾರ, F-35 ಜೆಟ್ ಖರೀದಿಸಲು ಆಸಕ್ತಿ ಹೊಂದಿಲ್ಲ ಎಂದು ಅಮೆರಿಕಕ್ಕೆ ಭಾರತ ಸ್ಪಷ್ಟ ಸಂದೇಶವನ್ನು ನೀಡಿದೆ. ಜುಲೈ ತಿಂಗಳಲ್ಲಿ ನಡೆದ ಮಾತುಕತೆಯಲ್ಲಿ ಈ ಒಪ್ಪಂದವನ್ನು ಮುಂದಕ್ಕೆ ಕೊಂಡೊಯ್ಯುವ ಮನಸ್ಥಿತಿಯಲ್ಲಿಲ್ಲ ಎಂದು ಭಾರತೀಯ ಅಧಿಕಾರಿಗಳು ಹೇಳಿದ್ದಾರೆ.