ನಿಷೇಧಿತ ಹೆಂಡ ಮಾರಾಟ: ವ್ಯಕ್ತಿ ವಶಕ್ಕೆ

ಗಂಗಾವತಿ: ತಾಲ್ಲೂಕಿನ ಹೀರೆಡಂಕ ನಕಲ್ ಗ್ರಾಮದಲ್ಲಿ ನಿಷೇಧಿತ ಹೆಂಡ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಪೊಲೀಸ್ ಅಧಿಕಾರಿಗಳು ವಶಕ್ಕೆ ಪಡೆದ ಘಟನೆ ಸೋಮವಾರ ಜರುಗಿದೆ.ಹಿರೇಡಂಕನಕಲ್ ಗ್ರಾಮದ ಮುತ್ತಣ್ಣ ಮ್ಯಾಗಲಮನಿ (50) ಬಂಧಿತ. ಆಂಧ್ರಪ್ರದೇಶದಿಂದ ಹೆಂಡವನ್ನು ತರಿಸಿ, ಸುತ್ತಲಿನ ಗ್ರಾಮಸ್ಥರಿಗೆ ₹50ಕ್ಕೆ ಲೀಟರ್ ಮಾರಾಟ ಮಾಡಲಾಗುತ್ತಿತ್ತು.ಈ ಹಿನ್ನೆಲೆಯಲ್ಲಿ ಪೊಲೀಸರು ದಾಳಿ ನಡೆಸಿ, ಹೆಂಡ ವಶಕ್ಕೆ ಪಡೆದಿದ್ದಾರೆ.
ಈ ಬಗ್ಗೆ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.