ಹೆಚ್ಚು ಲಾಭ ಕೊಡುವುದಾಗಿ 16.2 ಲಕ್ಷ ರೂ. ವಂಚನೆ

ರಾಮನಗರ: ಹೂಡಿಕೆಯಲ್ಲಿ ಹೆಚ್ಚು ಲಾಭ ಗಳಿಸಬಹುದು ಎಂದು ವ್ಯಕ್ತಿಯನ್ನು ನಂಬಿಸಿ 16.26 ಲಕ್ಷ ರೂ. ವಂಚನೆ ಮಾಡಿರುವ ಘಟನೆ ಚನ್ನಪಟ್ಟಣದ ಕನಕನಗರದಲ್ಲಿ ನಡೆದಿದೆ. ಟಿ. ಶಿವರಾಜು ವಂಚನೆಗೆ ಒಳಗಾದ ವ್ಯಕ್ತಿ. ಫೆಸ್‌ಬುಕ್‌ ನಲ್ಲಿ ಸ್ಟಾಕ್‌ ಮಾರ್ಕೇಟ್‌ನಲ್ಲಿ ಹೂಡಿಕೆ ಮಾಡುವ ಸಂಬಂಧ ಬಂದ ಜಾಹೀರಾತನ್ನು ನೋಡಿ ಇವರು ಅದರ ಮೇಲೆ ಕ್ಲಿಕ್‌ ಮಾಡಿದ್ದಾರೆ. ಬಳಿಕ ಸ್ಟಾಕ್‌ ಮಾರ್ಕೇಟ್‌ನಲ್ಲಿ ಹೂಡಿಕೆ ಮಾಡಿ ಹೆಚ್ಚು ಲಾಭ ಗಳಿಸಿ ಎಂದು ಹೇಳಿದ ವಂಚಕರು 16.26 ಲಕ್ಷ ರೂ. ಹಣವನ್ನು ತಮ್ಮ ಖಾತೆಗಳಿಗೆ ವರ್ಗಾವಣೆ ಮಾಡಿಕೊಂಡು ವಂಚನೆ ಮಾಡಿದ್ದಾರೆ ಎನ್ನಲಾಗಿದೆ.