ಬಾರ್ ನಲ್ಲಿ ಕುಡಿದು ಹಣ ನೀಡದೆ ಗಲಾಟೆ; ದೂರು ದಾಖಲು

ಬಂಟ್ವಾಳ: ಬಾರ್ ನಲ್ಲಿ ಮದ್ಯ ಸೇವಿಸಿ ಹಣ ನೀಡದೆ ಗಲಾಟೆ ಮಾಡಿದ ಘಟನೆಗೆ ಸಂಬಂಧಿಸಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅಮ್ಮೆಮಾರ್ ನಿವಾಸಿ ಅಬ್ದುಲ್ ರಹಿಮಾನ್ ಎಂಬಾತನು ಫರಂಗಿಪೇಟೆಯಲ್ಲಿರುವ ಬಾರ್ ಗೆ ಬಂದು ಮದ್ಯ ಸೇವನೆ ಮಾಡಿದ ಬಳಿಕ 1,560 ರೂ.ಗಳ ಬಿಲ್ಲು ಕೊಟ್ಟಾಗ ಹಣ ಕೊಡುವುದಿಲ್ಲ ಎಂದು ಹೇಳಿ ಉಡಾಫೆ ಹಾಗೂ ಗಲಾಟೆ ಮಾಡಿದ್ದಾನೆ ಹಾಗೂ ಬಿಲ್ ಕೊಡದೆ ಹೋಗಿದ್ದನು. ಬಾರ್ ನ ಸಿಬಂದಿ ವಾಸವಿರುವ ರೂಂ ಬಳಿಗೆ ತೆರಳಿ ಬೆದರಿಕೆ ಹಾಕಿದ್ದನು. ರಾತ್ರಿ ಮತ್ತೆ ಬಾರ್ ಗೆ ಆಗಮಿಸಿ ಹಲ್ಲೆ ನಡೆಸಿ, ಕೊಲೆ ಬೆದರಿಕೆ ಒಡ್ಡಿ, ಕಂಪ್ಯೂಟರ್ ಗೆ ಹಾನಿ ಮಾಡಿದ್ದಾನೆ ಎಂದು ಗುರುಪ್ರಸಾದ್‌ ಎಂ.ಆರ್. ದೂರು ನೀಡಿದ್ದಾರೆ.