ಡ್ರಗ್ಸ್ ಸಾಗಾಣಿಕೆಗೆ ಹೊಸ ತಂತ್ರ – ಮುಟ್ಟಿನ ಕಪ್‌ಗಳಲ್ಲಿ ಎಂಡಿಎಂಎ ಕಳ್ಳಸಾಗಣೆ: ಬೆಂಗಳೂರಿನಿಂದ ಕೇರಳಕ್ಕೆ ‘ಡ್ರಗ್ಸ್’ ತರುತ್ತಿದ್ದ ಲಿವ್-ಇನ್ ಪಾರ್ಟ್ನರ್ ಅರೆಸ್ಟ್

ಬೆಂಗಳೂರುದಿಂದ ಎಂಡಿಎಂಎ ಡ್ರಗ್ಸ್ ಅನ್ನು ಮುಟ್ಟಿನ ಕಪ್ ಹಾಗೂ ಒಳ ಉಡುಪುಗಳಲ್ಲಿ ಮರೆಮಾಚಿ ಕೇರಳಕ್ಕೆ ಕಳ್ಳಸಾಗಣೆ ಮಾಡುತ್ತಿದ್ದ ಲಿವ್-ಇನ್ ದಂಪತಿಯನ್ನು ಎರ್ನಾಕುಲಂ ಅಬಕಾರಿ ಅಧಿಕಾರಿಗಳು ಬಂಧಿಸಿದ್ದಾರೆ. ಆರೋಪಿಗಳಿಂದ 94.032 ಗ್ರಾಂ ಎಂಡಿಎಂಎ, ₹17,770 ನಗದು ಹಾಗೂ ಮೊಬೈಲ್ ಫೋನ್ ವಶಪಡಿಸಿಕೊಳ್ಳಲಾಗಿದೆ. ಬಂಧಿತ ಮೊಹಮ್ಮದ್ ಶಫಿ ಮತ್ತು ಸರಿತಾ ಡ್ರಗ್ಸ್‌ಗೆ ಅಜಿನೊಮೊಟೊ ಬೆರೆಸಿ ಎರ್ನಾಕುಲಂ ಹಾಗೂ ಆಲಪ್ಪುಳದ ನೈಟ್‌ಕ್ಲಬ್‌ಗಳು ಮತ್ತು ಪಾರ್ಟಿಗಳಿಗೆ ಮಾರಾಟ ಮಾಡುತ್ತಿದ್ದರು ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ತಪಾಸಣೆಯಿಂದ ತಪ್ಪಿಸಿಕೊಳ್ಳಲು ಮುಟ್ಟಿನ ಕಪ್ ಹಾಗೂ ಒಳ ಉಡುಪುಗಳಲ್ಲಿ ಡ್ರಗ್ಸ್ ಮರೆಮಾಚಿ ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದರು ಎನ್ನಲಾಗಿದೆ. ಇಬ್ಬರ ವಿರುದ್ಧ ಈಗಾಗಲೇ ಪ್ರಕರಣಗಳಿದ್ದು, ಡ್ರಗ್ಸ್ ಜಾಲದ ಇತರ ಸದಸ್ಯರು ಹಾಗೂ ಗ್ರಾಹಕರನ್ನು ಪತ್ತೆಹಚ್ಚಲು ಅಬಕಾರಿ ಅಧಿಕಾರಿಗಳು ತನಿಖೆ ಮುಂದುವರಿಸಿದ್ದಾರೆ.