ನನ್ನ ಹೃದಯ ಕದ್ದಿದ್ದಾಳೆ, ಹುಡುಕಿಕೊಡಿ; ಪೊಲೀಸರಿಗೆ ಬಂತು ಕಂಪ್ಲೇಂಟ್​..!

ನಾಗ್ಪುರ್​: ಹಣ, ಚಿನ್ನಾಭರಣ ಕಳ್ಳತನವಾಗಿದೆ ಅಥವಾ ವಾಹನ ಕಳೆದುಹೋಗಿದೆ ಅಂತ ಪೊಲೀಸರಿಗೆ ಕಂಪ್ಲೇಂಟ್​ಗಳು ಬರೋದು ಕಾಮನ್​​​. ಆದ್ರೆ ನಾಗ್ಪುರ್​​​ ಪೊಲೀಸರಿಗೆ ವ್ಯಕ್ತಿಯೊಬ್ಬ ತನ್ನ ಹೃದಯ ಕಳ್ಳತನವಾಗಿದೆ ಅಂತ ದೂರು ಕೊಟ್ಟ ವಿಚಿತ್ರ ಘಟನೆ ನಡೆದಿದೆ.ಹೌದು. ನಾಗ್ಪುರ್​​​ನ ಪೊಲೀಸ್​ ಠಾಣೆಯೊಂದರಲ್ಲಿ ಇತ್ತೀಚೆಗೆ ಇಂಥದ್ದೊಂದು ಘಟನೆ ನಡೆದಿದೆ. “ನನ್ನ ಹೃದಯ ಕದ್ದು ಬಿಟ್ಟೆ ಕಣೆ ಅಂತ ಹುಡುಗರು ಪ್ರೇಯಸಿಗೆ ಹೇಳೋದು ಕಾಮನ್”​. ಆದ್ರೆ ಯುವಕನೊಬ್ಬ ಅದನ್ನ ಸೀರಿಯಸ್​ ಆಗಿ ತೆಗೆದುಕೊಂಡು ಹುಡುಗಿಯೊಬ್ಬಳು ನನ್ನ ಹೃದಯ ಕದ್ದಿದ್ದಾಳೆ, ಹುಡುಕಿಕೊಡಿ ಅಂತ ಪೊಲೀಸರಿಗೆ ದೂರು ನೀಡಿದ್ದಾನೆ. ಇದರಿಂದ ಗೊಂದಲಕ್ಕೀಡಾದ ಪೊಲೀಸರು, ಈ ಪ್ರಕರಣವನ್ನ ಹೇಗೆ ನಿಭಾಯಿಸೋದು ಅಂತ ಉನ್ನತ ಅಧಿಕಾರಿಗಳ ಸಲಹೆಯನ್ನೂ ಪಡೆದಿದ್ದಾರೆ.ಇನ್ನು ಉನ್ನತ ಅಧಿಕಾರಿಗಳೊಂದಿಗೆ ಆ ಯುವಕ ಮಾತನಾಡಿದ್ದು, ಭಾರತದ ಕಾನೂನಿನಲ್ಲಿ ಈ ರೀತಿಯ ದೂರುಗಳಿಗೆ ಯಾವುದೇ ಸೆಕ್ಷನ್​​ ಇಲ್ಲ ಎಂದು ಹೇಳಿದ್ದಾರೆ. ಕೊನೆಗೆ ಪೊಲೀಸರು ಈ ದೂರಿಗೆ ಯಾವುದೇ ಪರಿಹಾರವಿಲ್ಲ ಎಂದು ಹೇಳಿ ಆತನನ್ನು ವಾಪಸ್​ ಕಳಿಸಿದ್ದಾರೆ.ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಮಾತನಾಡುವಾಗ ನಾಗ್ಪುರ್​​ ಪೊಲೀಸ್​ ಕಮಿಷನರ್​​ ಭೂಷಣ್​ ಕುಮಾರ್​​​ ಉಪಾಧ್ಯಾಯ ಈ ವಿಚಿತ್ರ ಘಟನೆ ಬಗ್ಗೆ ಹಂಚಿಕೊಂಡರು. ಈ ಕಾರ್ಯಕ್ರಮದಲ್ಲಿ ಸುಮಾರು ₹82 ಲಕ್ಷ ಮೌಲ್ಯದ ಕಳ್ಳತನವಾಗಿದ್ದ ವಸ್ತುಗಳನ್ನ ಮಾಲೀಕರಿಗೆ ಹಿಂದಿರುಗಿಸಲಾಯಿತು. ಈ ವೇಳೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಉಪಾಧ್ಯಾಯ, ನಾವು ಕಳೆದುಹೋದ ವಸ್ತುಗಳನ್ನ ಹುಡುಕಿಕೊಡಬಹುದು. ಆದ್ರೆ ಕೆಲವೊಮ್ಮೆ ಇಂಥ ದೂರುಗಳು ಬಂದಾಗ ನಾವೂ ಕೂಡ ಏನೂ ಮಾಡಲು ಆಗಲ್ಲ ಎಂದು ಹಾಸ್ಯ ಮಾಡಿದ್ರು