ದೀದಿ ವಿರುದ್ಧ ಗುಡುಗಿದ ರಾಜ್‌ನಾಥ್‌ ಸಿಂಗ್‌

ಕೋಲ್ಕತಾ: ಪಶ್ಚಿಮ ಬಂಗಾಳದ ತೃಣಮೂಲ ಕಾಂಗ್ರೆಸ್​ ಸರ್ಕಾರದ ವಿರುದ್ಧ ಗೃಹ ಸಚಿವ ರಾಜ್​ನಾಥ್​ ಸಿಂಗ್​ ವಾಗ್ದಾಳಿ ನಡೆಸಿದ್ದಾರೆ. ಪಶ್ಚಿಮ ಬಂಗಾಳದಲ್ಲಿನ ಕಾನೂನು ಮತ್ತು ಸುವ್ಯವಸ್ಥೆ ಪರಿಸ್ಥಿತಿಯ ಮೇಲೆ ರಾಜ್​ನಾಥ್​ ಸಿಂಗ್​ ಗುಡುಗಿದ್ದಾರೆ. ಮಹಾಘಟ​ಬಂಧನ್​ ಬಾಚಾವೋ ಱಲಿ ಉದ್ದೇಶಿಸಿ ಹೂಗ್ಲೀ ಜಿಲ್ಲೆಯಲ್ಲಿ ಮಾತನಾಡಿದ ಅವರು, ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಮಹಾಘಟ​ಬಂಧನ್‌ ಗಟ್ಟಿಗೊಳಿಸಿಕೊಳ್ಳಲು ಯತ್ನಿಸುತ್ತಿದ್ದಾರೆ. ಹೀಗಾಗಿ ಪಶ್ಚಿಮ ಬಂಗಾಳದಲ್ಲಿನ ಆಡಳಿತಕ್ಕೆ ಹೆಚ್ಚಿನ ಒತ್ತು ನೀಡುತ್ತಿಲ್ಲ ಎಂದು ಆರೋಪಿಸಿದ್ರು.ಮಹಾಘಟ​ಬಂಧನ್​ನಲ್ಲಿರುವ ಎಲ್ಲಾ ಪಕ್ಷಗಳದ್ದು ಒಂದೇ ಅಜೆಂಡಾ. ಅದು ಕೇಂದ್ರದಲ್ಲಿ ಬಿಜೆಪಿಯನ್ನ ವಿರೋಧಿಸುವುದು ಎಂದು ಕಿಡಿಕಾರಿದ್ದಾರೆ. ಮಮತಾ ಬ್ಯಾನರ್ಜಿ ಮೈತ್ರಿ ಕೂಟವನ್ನ ರೂಪಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಯಾರು ವಾಹನವನ್ನ ಮುನ್ನಡೆಸಬೇಕು? ಯಾರು ಬ್ರೇಕ್​ ಹಾಕಬೇಕು? ಅನ್ನೋದೇ ಇನ್ನೂ ಅವರಿಗೆ ಗೊಂದಲವಾಗಿದೆ ಎಂದು ಮಹಾಘಟಬಂಧನ್​​ಅಪಹಾಸ್ಯ ಮಾಡಿದ್ದಾರೆ.ಜಾಗತಿಕ ವ್ಯಾಪಾರದ ಶೃಂಗಸಭೆ ಪಶ್ಚಿಮ ಬಂಗಾಳದಲ್ಲಿ ನಡೆಯಲಿದೆ. ಹೀಗಾಗಿ ಹೂಡಿಕೆದಾರರನ್ನ ರಾಜ್ಯಕ್ಕೆ ಆಹ್ವಾನಿಸಬೇಕಾದ್ರೆ, ತೃಣಮೂಲ ಕಾಂಗ್ರೆಸ್​ ಸರ್ಕಾರ ಕಾನೂನು ಮತ್ತು ಸುವ್ಯವಸ್ಥೆಯನ್ನ ಬಲಪಡಿಸಬೇಕಿದೆ ಅಂತ ಅವರು ಎಚ್ಚರಿಸಿದ್ದಾರೆ.