ಬಟ್ಟೆ ತೊಳೆಯಲು ಹೋಗಿದ್ದ ಇಬ್ಬರು ಬಾಲಕಿಯರು ಸಾವು

ಬಳ್ಳಾರಿ: ಕೆರೆಯಲ್ಲಿ ಮುಳಗಿ ಇಬ್ಬರು ಬಾಲಕಿಯರು ಸಾವನ್ನಪ್ಪಿರುವ ಘಟನೆ ಸಿರಗುಪ್ಪ ತಾಲೂಕಿನ ಶ್ರೀಧರಗಡ್ಡೆ ಗ್ರಾಮದಲ್ಲಿ ನಡೆದಿದೆ. ಗ್ರಾಮದ ಕೆರೆಯಲ್ಲಿ ಬಟ್ಟೆ ತೊಳೆಯಲು ಹೋಗಿದ್ದ ವೇಳೆ ಸೋಪು ನೀರಿಗೆ ಬಿದ್ದಿದ್ದರಿಂದ ಸೋಪು ತೆಗೆಯಲು ಒಬ್ಬಕಿ ಮುಂದಾಗಿದ್ದಾಳೆ. ನೀರಿಗೆ ಜಾರಿ ಬಿದ್ದಿದ್ದಾಳೆ. ಆದರೆ ಅವಳಿಗೆ ಈಜು ಬಾರದೆ ಮುಳಗತೊಡಗಿದ್ದಾಳೆ. ಅದನ್ನು ಕಂಡು ಮತ್ತೊಬ್ಬ ಬಾಲಕಿ ಸಹಾಯಕ್ಕೆ ನೀರಿಗೆ ಇಳಿದಿದ್ದಾಳೆ. ಅಷ್ಟೇ… ಇಬ್ಬರಿಗೂ ಈಜು ಬಾರದ ಕಾರಣ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ. ಶ್ರೀಧರಗಡ್ಡೆ ಗ್ರಾಮದ ಮಹೇಶ್ವರಿ (13) ಮತ್ತು ಶ್ರೀದೇವಿ (14) ಮೃತ ಬಾಲಕಿಯರು.