ಬಡತನದಲ್ಲಿ ಸರ್ಕಾರಿ ಕೋಟಾದಡಿಯಲ್ಲಿ ಸೀಟು ಪಡೆದ ಯುವತಿಗೆ ಕಮಿಷನರ್ ಎನ್‌. ಶಶಿಕುಮಾ‌ರ್ ಸನ್ಮಾನ

ಹುಬ್ಬಳ್ಳಿ: ನಗರದ ಕಸಬಾಪೇಟ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ವಾಸವಿರುವ ಹಪ್ಪಾ ಬಾನು ಎಂಬ ಯುವತಿ ಬಡತನದಲ್ಲಿಯೂ ಕೂಡಾ ಸರ್ಕಾರಿ ಕೋಟಾದಡಿಯಲ್ಲಿ ಕೊಪ್ಪಳ ಮೆಡಿಕಲ್‌ ಕಾಲೇಜಿನಲ್ಲಿ ಸೀಟು ಪಡೆದುಕೊಂಡ ಹಿನ್ನೆಲೆಯಲ್ಲಿ ಹು-ಧಾ ಪೊಲೀಸ್ ಕಮಿಷನ‌ರ್ ಎನ್‌. ಶಶಿಕುಮಾ‌ರ್ ಹಪ್ಪಾ ಬಾನುಗೆ ಸನ್ಮಾನ ಮಾಡಿದರು.

ಹಪ್ಪಾ ಬಾನು ತಂದೆ ಬಡತನದಲ್ಲಿದ್ದರೂ ಕೂಡಾ ಮಗಳಿಗೆ ಉನ್ನತ ವ್ಯಾಸಂಗ ಕೊಡಿಸಬೇಕು ಎಂದು ಹಗಲು ರಾತ್ರಿ ದುಡಿದು ಮಗಳಿಗೆ ಉತ್ತಮ ವ್ಯಾಸಂಗ ಮಾಡಿಸಿದ್ದಾರೆ. ಮಗಳು ಕೂಡಾ ತಂದೆ- ತಾಯಿಯ ಆಶಯದಂತೆ ಚೆನ್ನಾಗಿ ಕಾಲೇಜು ವಿದ್ಯಾಭ್ಯಾಸ ಮಾಡಿ ಸರ್ಕಾರಿ ಕೋಟಾದಡಿಯಲ್ಲಿ MBBS ಸೀಟನ್ನು ಗಿಟ್ಟಿಸಿಕೊಂಡಿದ್ದಾಳೆ.

ಹೀಗಾಗಿ ಬಡತನದ ನಡುವೆಯೂ ಉನ್ನತ ವ್ಯಾಸಂಗ ಮಾಡಲು ಮಗಳಿಗೆ ಪ್ರೋತ್ಸಾಹ ಕೊಟ್ಟ ತಂದೆ-ತಾಯಿಯ ಕಾರ್ಯಕ್ಕೆ ಮೆಚ್ಚಿ ಕಮಿಷನ‌ರ್ ಎನ್. ಶಶಿಕುಮಾ‌ರ್ ಸನ್ಮಾನಿಸಿ, ನಿಮ್ಮ ಮಗಳ ವ್ಯಾಸಂಗಕ್ಕೆ ನಾನು ಕೂಡಾ ಸಹಾಯ ಮಾಡುತ್ತೇನೆ ಎಂದು ಪೋಷಕರಿಗೆ ಧೈರ್ಯವನ್ನು ತುಂಬಿದ್ದಾರೆ.