ಮೆಕ್ಸಿಕೋ : ಭೀಕರ ರಸ್ತೆ ಅಪಘಾತ ; 21 ಮಂದಿ ಸಾವು !

ಒಕ್ಸಾಕಾ ಮತ್ತು ಪ್ಯೂಬ್ಲಾ ರಾಜ್ಯಗಳನ್ನು ಸಂಪರ್ಕಿಸುವ ಹೆದ್ದಾರಿಯಲ್ಲಿ ಬುಧವಾರ ಸಂಭವಿಸಿದ ಭೀಕರ ಮೂರು ವಾಹನಗಳ ಅಪಘಾತದಲ್ಲಿ ಕನಿಷ್ಠ 21 ಜನರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಅಪಘಾತದಲ್ಲಿ ಟ್ಯಾಂಕರ್ ಟ್ರಕ್, ಬಸ್ ಮತ್ತು ವ್ಯಾನ್ ಸೇರಿವೆ. ಮೆಕ್ಸಿಕನ್ ಪತ್ರಿಕೆ ‘ಲಾ ಜೋರ್ನಾಡ’ ವರದಿ ಮಾಡಿದಂತೆ, ಸಿಮೆಂಟ್ ಟ್ರಕ್ ಮತ್ತೊಂದು ವಾಹನವನ್ನು ಹಿಂದಿಕ್ಕಲು ಪ್ರಯತ್ನಿಸುತ್ತಿದ್ದಾಗ ನಿಯಂತ್ರಣ ತಪ್ಪಿ ಎದುರಿನ ಲೇನ್‌ಗೆ ನುಗ್ಗಿ ಬಸ್‌ಗೆ ಡಿಕ್ಕಿ ಹೊಡೆದಿದೆ. ನಂತರ, ಅದು ಸಾರಿಗೆ ವ್ಯಾನ್‌ಗೆ ನೇರವಾಗಿ ಡಿಕ್ಕಿ ಹೊಡೆದಿದೆ.ಡಿಕ್ಕಿಯ ನಂತರ ನಿಯಂತ್ರಣ ಕಳೆದುಕೊಂಡ ಟ್ರಕ್ ಕಂದಕಕ್ಕೆ ಉರುಳಿ ಬೆಂಕಿಗೆ ಆಹುತಿಯಾಗಿದೆ ಎಂದು ರಾಯಿಟರ್ಸ್ ವರದಿ ಮಾಡಿದೆ.