ಸಂಬಂಧಿಯನ್ನೇ ಕೊಂದು ಮೃತದೇಹವನ್ನು ಚರಂಡಿಗೆ ಎಸೆದು ಪರಾರಿ!

ವರ್ತೂರು ಠಾಣೆ ವ್ಯಾಪ್ತಿಯ ಚಿಕ್ಕಬೆಳ್ಳಂದೂರು ಗ್ರಾಮದ ಚರಂಡಿಯಲ್ಲಿ 35 ವರ್ಷದ ವ್ಯಕ್ತಿಯೊಬ್ಬರ ಶವ ಪತ್ತೆಯಾಗಿತ್ತು. ಅನುಮಾನಾಸ್ಪದ ಸಾವು ಪ್ರಕರಣ ದಾಖಲಾಗಿತ್ತು. ಇದೇ ವೇಳೆ ದೀಪಕ್ ಪತ್ನಿ ಸುಷ್ಮಾ ತನ್ನ ಪತಿ ಕಾಣೆಯಾಗಿದ್ದಾಗಿ ದೂರು ನೀಡಿದ್ದರು. ಈ ವೇಳೆ ಮೃತದೇಹ ಪರಿಶೀಲಿಸಿದ ಸುಷ್ಮಾ, ಇದು ತನ್ನ ಪತಿ ದೀಪಕ್ ಮೃತದೇಹ ಎಂದು ಗುರುತಿಸಿದ್ದರು. ಸಂಬಂಧಿಯೇ ಕೊಲೆ ಮಾಡಿರುವ ಅನುಮಾನವಿದೆ ಎಂದು ದೂರು ನೀಡಿದ್ದರು.ಒಂದು ದಿನ ದೀಪಕನನ್ನು ಕರೆದೊಯ್ದ ವಿಕಾಸ್ ಹೊಡೆದು ಬುದ್ಧಿ ಹೇಳಿದ್ದನಂತೆ. ಈ ವೇಳೆ ಹಲ್ಲೆಗೊಳಗಾದ ದೀಪಕ್ ಸಾವನ್ನಪ್ಪಿದ್ದಾನೆ. ಹಾಗಾಗಿ ಮೃತದೇಹವನ್ನು ಚರಂಡಿಗೆ ಎಸೆದು ಎಸ್ಕೇಪ್ ಆಗಿದ್ದಾಗಿ ಬಾಯ್ಬಿಟ್ಟಿದ್ದಾನೆ.ಸದ್ಯ ಆರೋಪಿ ವಿಕಾಸ್ ನನ್ನು ಪೊಲೀಸರು ಬಂಧಿಸಿದ್ದಾರೆ.