ಪಂಜಾಬ್‌ನಲ್ಲಿ ಭೀಕರ ಪ್ರವಾಹ: ಕೃಷಿಗೆ ಭಾರೀ ನಷ್ಟ, ಸಾವಿನ ಸಂಖ್ಯೆ 46ಕ್ಕೆ ಏರಿಕೆ.

ಭಾಕ್ರಾ, ಪೊಂಗ್ ಮತ್ತು ರಂಜಿತ್ ಸಾಗರ ಅಣೆಕಟ್ಟುಗಳಿಂದ ಬಿಡುಗಡೆಯಾದ ಹೆಚ್ಚುವರಿ ನೀರು ಪರಿಸ್ಥಿತಿಯನ್ನು ಮತ್ತಷ್ಟು ತೀವ್ರಗೊಳಿಸಿದೆ.ಗುರುದಾಸ್ಪುರ್, ಅಮೃತಸರ, ಫಿರೋಜ್ಪುರ, ಪಠಾಣ್‌ಕೋಟ್, ಕಪೂರ್ಥಲಾ ಮತ್ತು ಫಜಿಲ್ಕಾ ಜಿಲ್ಲೆಗಳು ತೀವ್ರ ಹಾನಿಗೊಳಗಾಗಿದ್ದು, ಸಾವಿರಾರು ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಕೃಷಿಕ ಸಮುದಾಯಕ್ಕೆ ಈ ಪ್ರವಾಹವು ತೀವ್ರ ಆರ್ಥಿಕ ಸಂಕಷ್ಟ ತಂದಿದ್ದು, 18 ಜಿಲ್ಲೆಗಳಲ್ಲಿ 1.75 ಲಕ್ಷ ಹೆಕ್ಟೇರ್ ಭೂಮಿಯಲ್ಲಿದ್ದ ಬೆಳೆಗಳು ಮುಳುಗಿವೆ. ವಿಶೇಷವಾಗಿ ಬಾಸ್ಮತಿ ಭತ್ತದ ಕೊಯ್ಲು ಶೇ. 20-25ರಷ್ಟು ಹಾನಿಗೊಳಗಾಗಿದೆ.