ಪೊಲೀಸ್​​​​ ಪೇದೆಗಳ ಟೋಪಿ,ಬದಲಾವಣೆ ಅ.28ರಂದು ಹೊಸ ಕ್ಯಾಪ್​​​​ ವಿತರಣೆ

ರಾಜ್ಯ ಪೊಲೀಸ್ ಇಲಾಖೆಯಲ್ಲಿ ಕಾನ್‌ಸ್ಟೇಬಲ್‌ ಹಾಗೂ ಹೆಡ್ ಕಾನ್‌ಸ್ಟೇಬಲ್‌ಗಳಿಗೆ ‘ಸ್ಲೋಚ್ ಕ್ಯಾಪ್’ಗೆ ಪರ್ಯಾಯವಾಗಿ ತೆಲಂಗಾಣ ಪೊಲೀಸರ ಮಾದರಿಯ ತೆಳುವಾದ ಟೋಪಿಯನ್ನು ಆಯ್ಕೆ ಮಾಡಲಾಗಿದ್ದು, ಅ.28 ರಂದು ಪಿ-ಕ್ಯಾಪ್ ವಿತರಣೆಗೆ ರಾಜ್ಯ ಸರ್ಕಾರವು ಅಧಿಕೃತ ಆದೇಶ ಹೊರಡಿಸಿದೆ.ಕರ್ನಾಟಕ ರಾಜ್ಯ ಪೊಲೀಸ್ ಇಲಾಖೆಯ ಎಲ್ಲಾ ಸಿಬ್ಬಂದಿಗಾಗಿ ದಿನಾಂಕ 28-10-2025 ರಂದು ಬೆಂಗಳೂರು, ವಿಧಾನ ಸೌಧದ ಬ್ಯಾಂಕ್ವೆಟ್ ಹಾಲಿನಲ್ಲಿ ಮಾನ್ಯ ಮುಖ್ಯಮಂತ್ರಿಗಳು ಹಾಗೂ ಮಾನ್ಯ ಗೃಹ ಸಚಿವರವರ ಸಮ್ಮುಖದಲ್ಲಿ ಪಿ-ಕ್ಯಾಪ್ ಘೋಷಣೆ ಮತ್ತು ವಿತರಣಾ ಸಮಾರಂಭವನ್ನು ಆಯೋಜಿಸಲಾಗಿದೆ.

ಈ ಹಿನ್ನೆಲೆಯಲ್ಲಿ, ಪ್ರತಿ ಕಮೀಷನರೇಟ್ ಮತ್ತು ಪ್ರತಿ ಜಿಲ್ಲೆಯಿಂದ ತಲಾ ಒಬ್ಬ ಪೊಲೀಸ್ ಕಾನ್ಸ್ಟೇಬಲ್ (PC) ಅಥವಾ ಮುಖ್ಯ ಕಾನ್ಸ್ಟೇಬಲ್ (HC)ರನ್ನು ಮೇಲ್ಕಂಡ ಸಮಾರಂಭಕ್ಕೆ ನಿಯೋಜಿಸಲು ವಿನಂತಿಸಲಾಗುತ್ತದೆ.