ಪಂಜಾಬ್‌ನ ಲೂಧಿಯಾನದಲ್ಲಿ ಮಹಿಳೆ ಮೇಲೆ ಆಯಸಿಡ್‌ ದಾಳಿ

ಪಂಜಾಬ್‌ನ ಲೂಧಿಯಾನದ ದುರ್ಗಿ ಕಾಲೋನಿಯಲ್ಲಿ ಬೈಕಿನಲ್ಲಿ ಬಂದಾತ ಕಾರ್ಮಿಕ ಮಹಿಳೆಯ ಮೇಲೆ ಆಯಸಿಡ್‌ ಎರಚಿದ್ದರಿಂದ ಮಹಿಳೆ ಗಾಯಗೊಂಡಿದ್ದಾರೆ. ಮಹಿಳೆ ಉತ್ತರ ಪ್ರದೇಶ ಮೂಲದವರಾಗಿದ್ದು ಮೂವರು ಮಕ್ಕಳ ತಾಯಿ. ಬೈಕಿನಲ್ಲಿ ಬಂದ ದಾಳಿಕೋರ ಮಹಿಳೆಯನ್ನು ಹತ್ತಿರ ಕರೆದು ಮಾತನಾಡಿಸಿದ್ದು ಈ ವೇಳೆ ಆಯಸಿಡ್‌ ಎರಚಿದ್ದಾನೆ.ಆಕೆಯ ಮುಖ ಮತ್ತು ಕಣ್ಣಿನ ಹುಬ್ಬು ಸುಟ್ಟು ಹೋಗಿದೆ. ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆಯಸಿಡ್‌ ದಾಳಿಕೋರ ಹೆಲ್ಮೆಟ್‌ ಧರಿಸಿದ್ದು ಸ್ಥಳದಿಂದ ಪರಾರಿಯಾಗಿದ್ದಾನೆ. ಆರೋಪಿಯ ಪತ್ತೆಗೆ ಸಿಸಿಟಿವಿ ದೃಶ್ಯಾವಳಿ ಪರಿಶೀಲನೆ ನಡೆಸಲಾಗುತ್ತಿದೆ.