ಶಿವಮೊಗ್ಗದಲ್ಲಿ 6 ಕಾಲಿನ ಕರುವಿಗೆ ಜನ್ಮ ನೀಡಿದ ಹಸು…!

ಶಿವಮೊಗ್ಗ: ಹಸುವೊಂದು ಆರು ಕಾಲಿನ ಕರುವಿಗೆ ಜನ್ಮ ನೀಡಿದ ಘಟನೆ ಶಿವಮೊಗ್ಗ ತಾಲೂಕಿನ ಸೂಗೂರು ಗ್ರಾಮದಲ್ಲಿ ನಡೆದಿದೆ. ಸೂಗೂರು ಗ್ರಾಮದ ಹನುಮಂತಪ್ಪ ಎಂಬ ರೈತನ ಮನೆಯಲ್ಲಿ ಈ ಕರು ಜನನವಾಗಿದೆ. ಪ್ರಸ್ತುತ 6 ಕಾಲುಗಳ ಕರು ಆರೋಗ್ಯಕರವಾಗಿದೆ. ಕರು ಹಿಂಬದಿಯಲ್ಲಿ 4 ಕಾಲುಗಳನ್ನ ಹೊಂದಿರುವುದು ವಿಶೇಷ. ಹೆಚ್ಚುವರಿ ಕಾಲುಗಳಿಂದ ಕರು ನಿಲ್ಲಲು ಕಷ್ಟ ಪಡುತ್ತಿದೆ. ಹಸು ಆರು ಕಾಲಿನ ಕರು ಹಾಕಲು ತೀವ್ರ ಒದ್ದಾಡಿದೆ. ಸಮಯಕ್ಕೆ ಸ್ಥಳಕ್ಕೆ ಆಗಮಿಸಿದ ಪಶು ವೈದ್ಯರು ಕರುವನ್ನು ಹೊರ ಎಳೆದಿದ್ದಾರೆ.