ಟಾಯ್ಲೆಟ್ಟಲ್ಲಿ ಸೊಸೆಯನ್ನು 10 ತಿಂಗಳಿಂದ ಕೂಡಿ ಹಾಕಿ ಅತ್ತೆ ಮಾವ ಹಿಂಸೆ

ಡೆಹ್ರಾಡೂನ್‌: ಅತ್ತೆ ಹಾಗೂ ಮಾವ ಇಬ್ಬರು ಸೇರಿ ತಮ್ಮ ಸೊಸೆಯನ್ನು ಬರೋಬ್ಬರಿ 10 ತಿಂಗಳು ಕಾಲ ಕೋಣೆ ಹಾಗೂ ಶೌಚಾಲಯದಲ್ಲೇ ಕೂಡಿ ಹಾಕಿ ಕ್ರೂರವಾಗಿ ಚಿತ್ರಹಿಂಸೆ ನೀಡಿದ ಆಘಾತಕಾರಿ ಘಟನೆಯೊಂದು ಉತ್ತರಾಖಂಡದ ಡೆಹ್ರಾಡೂನ್‌ನಲ್ಲಿ ನಡೆದಿದೆ. ಈ ಬಗ್ಗೆ ಮಹಿಳೆಯ ತಂದೆ ಪೊಲೀಸರಿಗೆ ದೂರು ನೀಡಿದ್ದಾರೆ. ದೂರಿನಲ್ಲಿ ಪತಿ ದೆಹಲಿಯಲ್ಲಿ ಕೆಲಸ ಮಾಡುತ್ತಿದ್ದರಿಂದ ಮಹಿಳೆ ತನ್ನ ಅತ್ತೆ-ಮಾವನ ಜೊತೆ ವಾಸಿಸುತ್ತಿದ್ದಳು. ಕಳೆದ ಜುಲೈನಿಂದ ಆಕೆಯನ್ನು ಒಂದೇ ಕೋಣೆ ಮತ್ತು ಶೌಚಾಲಯದಲ್ಲಿ ಕೂಡಿಹಾಕಲಾಗಿತ್ತು. ಪತಿ ರಜೆಗೆಂದು ಮನೆಗೆ ಬಂದಾಗೆಲ್ಲಾ ದೈಹಿಕವಾಗಿ ಹಿಂಸಿಸುತ್ತಿದ್ದನು. ಆಕೆಯ ಖಾಸಗಿ ಅಂಗಗಳಿಗೆ ಬಾಟಲಿ ಹೊಡೆದಿದ್ದು ತೀವ್ರ ಗಾಯಗಳಾಗಿವೆ. ಆಕೆಗೆ ತಿನ್ನಲು ಕೇವಲ ಹಸಿ ಅಕ್ಕಿ, ಈರುಳ್ಳಿ ಮತ್ತು ಮೆಣಸಿನಕಾಯಿಗಳನ್ನು ಮಾತ್ರ ನೀಡಲಾಗುತ್ತಿತ್ತು ಎಂದು ಆರೋಪಿಸಿದ್ದಾರೆ.