ಬೆಟ್ಟಿಂಗ್: ಐವರ ಬಂಧನ

ಚಿಂತಾಮಣಿ: ತಾಲ್ಲೂಕಿನ ಕಾಗತಿ ಹಾಗೂ ಕರಿಯಪಲ್ಲಿ ಗ್ರಾಮದಲ್ಲಿನ ಕ್ರಿಕೆಟ್‌ ಬೆಟ್ಟಿಂಗ್ ಅಡ್ಡೆಗಳ ಮೇಲೆ ಗ್ರಾಮಾಂತರ ಠಾಣೆ ಪೊಲೀಸರು ದಾಳಿ ನಡೆಸಿ ಐವರನ್ನು ಬಂಧಿಸಿದ್ದಾರೆ. ಕಾಗತಿಯ ಜಯಮ್ಮ ಎಂಬವರ ಚಿಲ್ಲರೆ ಅಂಗಡಿ ಮುಂಭಾಗದಲ್ಲಿ ಭಾನುವಾರ ರಾತ್ರಿ ಗುಂಪೊಂದು ಬೆಟ್ಟಿಂಗ್ ನಡೆಸುತ್ತಿದೆ ಎಂಬ ಮಾಹಿತಿ ಮೇರೆಗೆ ದಾಳಿ ನಡೆದಿದೆ. ಮುಬಾರಕ್‌, ಎಸ್‌.ಮಣಿ, ಕೆ.ಮಣಿ ಬಂಧಿತ ಆರೋಪಿಗಳು. ಪ್ರವೀಣ್‌ ರೆಡ್ಡಿ, ಶ್ರೀಕಾಂತ್‌, ಮುನಿರಾಜು ಪರಾರಿಯಾಗಿರುವ ಆರೋಪಿಗಳು. ಬಂಧಿತರಿಂದ ₹5 ಸಾವಿರ ನಗದು, 3 ಮೊಬೈಲ್‌ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕರಿಯಪಲ್ಲಿ ಗ್ರಾಮದಲ್ಲಿ ಬೆಟ್ಟಿಂಗ್‌ ಕಟ್ಟುತ್ತಿದ್ದ ಮುರುಗಮಲ್ಲ ಗ್ರಾಮದ ಬಾಬಾಜಾನ್‌, ಕರಿಯಪಲ್ಲಿಯ ಕೆ.ಎನ್‌.ರವೀಂದ್ರ ಅವರನ್ನು ಪೊಲೀಸರು ಬಂಧಿಸಿದ್ದಾರೆ. ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.