ಕೆಫೆ ಮಾಲೀಕ, ಕ್ಯಾಶಿಯರ್ ದರ್ಪ – ಡೆಲಿವರಿ ಬಾಯ್ ಮೇಲೆ ಮನಬಂದಂತೆ ಹಲ್ಲೆ!

ಬೆಂಗಳೂರು: ಉಲ್ಲಾಳದ ‘ಕೂಲ್ ಜಂಕ್ಷನ್ ಕೆಫೆ’ಯಲ್ಲಿ ಆನ್‌ಲೈನ್ ಆಹಾರ ಆರ್ಡರ್ ವಿಳಂಬವನ್ನು ಪ್ರಶ್ನಿಸಿದ ಡೆಲಿವರಿ ಬಾಯ್ ಮೇಲೆ ಕೆಫೆ ಮಾಲೀಕ ಹಾಗೂ ಕ್ಯಾಶಿಯರ್ ಹಲ್ಲೆ ನಡೆಸಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಆರ್ಡರ್ ‘ರೆಡಿ’ ಎಂದು ಆ್ಯಪ್‌ನಲ್ಲಿ ತೋರಿಸಿದ್ದರೂ ಆಹಾರ ಸಿದ್ಧವಾಗಿರಲಿಲ್ಲ. ಇದನ್ನು ಪ್ರಶ್ನಿಸಿದ ಡೆಲಿವರಿ ಬಾಯ್ ಜೊತೆ ಮಾತಿನ ಚಕಮಕಿ ನಡೆದು, ಬಳಿಕ ಕೆಫೆ ಮಾಲೀಕ ರಾಜಣ್ಣ ಮತ್ತು ಕ್ಯಾಶಿಯರ್ ಸೇರಿ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ. ಘಟನೆ ಸಂಬಂಧ ಜ್ಞಾನಭಾರತಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಚಿಕಿತ್ಸೆ ಪಡೆದ ಡೆಲಿವರಿ ಬಾಯ್ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.