ಗೃಹಿಣಿ ಕೊಲೆ ಪ್ರಕರಣ… ಪತಿ ಸೇರಿ ನಾಲ್ವರ ಬಂಧನ

ಧಾರವಾಡ: ನವಲಗುಂದ ತಾಲೂಕಿನ ಹಣಸಿ ಗ್ರಾಮದಲ್ಲಿ ಗೃಹಿಣಿ ಪ್ರಿಯಾಂಕಾ ಕಮಲಾಕರ (29) ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪತಿ ಸೇರಿದಂತೆ ನಾಲ್ವರನ್ನು ನವಲಗುಂದ ಪೊಲೀಸರು ಬಂಧಿಸಿದ್ದಾರೆ. 2024ರಲ್ಲಿ ಬಸವರಾಜ ವಡ್ಡರ್ ಅವರನ್ನು ವಿವಾಹವಾಗಿದ್ದ ಪ್ರಿಯಾಂಕಾಗೆ ಮದುವೆಯಾದ ಬಳಿಕ ಪತಿ ಹಾಗೂ ಕುಟುಂಬಸ್ಥರು ವರದಕ್ಷಿಣೆ ವಿಚಾರವಾಗಿ ಕಿರುಕುಳ ನೀಡುತ್ತಿದ್ದರು ಎನ್ನಲಾಗಿದೆ. ಸೋಮವಾರ ರಾತ್ರಿ ಕತ್ತು ಹಿಸುಕಿ ಕೊಲೆ ಮಾಡಿರುವ ಆರೋಪ ಕೇಳಿಬಂದಿದೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ ಪೊಲೀಸರು ಬಸವರಾಜ, ರೇಣವ್ವ ವಡ್ಡರ್, ಸುಭಾಸ ವಡ್ಡರ್ ಹಾಗೂ ಸಿದ್ದರಾಮೇಶ್ವರ ವಡ್ಡರ್ ಅವರನ್ನು ಬಂಧಿಸಿದ್ದಾರೆ. ಘಟನೆ ನಡೆದ 24 ಗಂಟೆಯೊಳಗೆ ಆರೋಪಿಗಳನ್ನು ಪತ್ತೆಹಚ್ಚಿದ ಪೊಲೀಸ್ ತಂಡವನ್ನು ಎಸ್‌ಪಿ ಗುಂಜನ್ ಆರ್ಯ ಪ್ರಶಂಸಿಸಿದ್ದಾರೆ.