ಮನೆಗೆ ನುಗ್ಗಿ ಯುವತಿಯ ಕೊಲೆಗೆ ಯತ್ನ: ಕೇಸು ದಾಖಲು

ಕಾಸರಗೋಡು: ಮನೆಗೆ ನುಗ್ಗಿ ಯುವತಿಯ ಕೊಲೆಗೆ ಯತ್ನಿಸಿದ ಹಾಗೂ ತಡೆಯಲು ಬಂದ ಯುವತಿಯ ತಾಯಿಗೆ ಹಲ್ಲೆಗೈದ ಪ್ರಕರಣಕ್ಕೆ ಸಂಬಂಧಿಸಿ ನಿಧೀಶ್ ವಿರುದ್ಧ ಬದಿಯಡ್ಕ ಪೊಲೀಸರು ಕೊಲೆಯತ್ನ ಕೇಸು ದಾಖಲಿಸಿದ್ದಾರೆ. ಪೈಕ ಬಾಲಡ್ಕದ ಬಿ.ಶ್ರೀಷ್ಮ (21) ನೀಡಿದ ದೂರಿಗೆ ಬದಿಯಡ್ಕ ಪೊಲೀಸರು ಕೊಲೆಯತ್ನ ಕೇಸು ದಾಖಲಿಸಿದ್ದಾರೆ. ಆ.23 ರಂದು ರಾತ್ರಿ ಮನೆಗೆ ನುಗ್ಗಿ ಕೊಲೆ ಯತ್ನ ನಡೆಸಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಶ್ರೀಷ್ಮ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಘಟನೆಗೆ ಕಾರಣ ತಿಳಿದುಬಂದಿಲ್ಲ. ಪೂರ್ವ ದ್ವೇಷ ಘಟನೆಗೆ ಕಾರಣವೆಂದು ಪೊಲೀಸರು ಶಂಕಿಸಿದ್ದಾರೆ.