ಪೀಣ್ಯದಲ್ಲಿ ಪುಂಡರ ಅಟ್ಟಹಾಸ: ಟೀ, ಕಾಫಿ ಫ್ರೀ ಕೊಡದಿದ್ದಕ್ಕೆ ಬೇಕರಿಯಲ್ಲಿ ಗಲಾಟೆ, ಮಹಿಳಾ ಮಾಲೀಕೆಗೆ ಬೆದರಿಕೆ!

ಬೆಂಗಳೂರು: ಉಚಿತವಾಗಿ ಟೀ, ಕಾಫಿ ನೀಡುವಂತೆ ಒತ್ತಾಯಿಸಿ ಬೇಕರಿಯಲ್ಲಿ ಗಲಾಟೆ ನಡೆಸಿ ಮಹಿಳಾ ಮಾಲೀಕೆಗೆ ಜೀವ ಬೆದರಿಕೆ ಹಾಕಿರುವ ಘಟನೆ ಪೀಣ್ಯದ ಎಚ್‌ಎಂಟಿ ಲೇಔಟ್‌ನಲ್ಲಿ ನಡೆದಿದೆ. ರಥನ್ ಬೇಕರಿಗೆ ಬಂದಿದ್ದ ಕೆಲವರು ಹಣ ಕೇಳಿದ್ದಕ್ಕೆ ಆಕ್ರೋಶಗೊಂಡು, ತಾವು ರೌಡಿಗಳೆಂದು ಅವಾಜ್ ಹಾಕಿದ್ದಾರೆ. ಅಲ್ಲದೆ, ಗಾಜಿನ ಬಾಟಲಿಗಳನ್ನು ಒಡೆದು ಬೇಕರಿಗೆ ಹಾನಿ ಮಾಡಿ, ಮಾಲೀಕೆ ಹಾಗೂ ಅವರ ಕುಟುಂಬದವರನ್ನು ಕೊಲ್ಲುವುದಾಗಿ ಬೆದರಿಸಿದ್ದಾರೆ ಎನ್ನಲಾಗಿದೆ. ಘಟನೆ ಸಂಬಂಧ ಮಹೇಶ್ ಮತ್ತು ರಜತ್ ಎಂಬುವವರ ವಿರುದ್ಧ ಪೀಣ್ಯ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.