ಲೈಂಗಿಕ ದೌರ್ಜನ್ಯ: ಸಂತ್ರಸ್ತರು ಆನ್​ಲೈನ್​ನಲ್ಲೇ ದೂರು

ನವದೆಹಲಿ: ಅತ್ಯಾಚಾರಕ್ಕೊಳಗಾದ ಯಾವುದೇ ಸಂತ್ರಸ್ತರು ಇನ್ನು ಮುಂದೆ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡಲು ಒದ್ದಾಡುವ ಹಾಗೂ ದೂರು ದಾಖಲಿಸಲು ನೂರೆಂಟು ತಕರಾರುಗಳನ್ನು ಕೇಳುವ ಪ್ರಮೇಯವೆ ಬರಲ್ಲ . ಯಾಕಂದ್ರೆ ಸಂತ್ರಸ್ತರು ಇನ್ನು ಮಂದೆ ಮನೆಯಲ್ಲೇ ಕುಳಿತು ಆನ್​ಲೈನ್​ನಲ್ಲೇ ದೂರು ಸಲ್ಲಿಸಬಹುದಾಗಿದೆ. ದೂರುಗಳನ್ನು ಸ್ವೀಕರಿಸಲೆಂದೇ ಕೇಂದ್ರ ಗೃಹ ಇಲಾಖೆ ಹೊಸ ಪೋರ್ಟಲ್​ವೊಂದನ್ನ ಲೋಕಾರ್ಪಣೆಗೊಳಿಸಿದೆ. ಕೇಂದ್ರ ಗೃಹ ಸಚಿವ ರಾಜನಾಥ್​ ಸಿಂಗ್ ಈ ಹೊಸ ಪೋರ್ಟಲ್ ಬಿಡುಗಡೆ ಮಾಡಿದ್ದು, ಇದರ ಮೂಲಕ ಮಕ್ಕಳ ಅಶ್ಲೀಲ ದೃಶ್ಯ ಸೆರೆಹಿಡಿಯುವ ಹಾಗೂ ಲೈಂಗಿಕ ದುರುಪಯೋಗ, ಅತ್ಯಾಚಾರ, ಗ್ಯಾಂಗ್​ರೇಪ್​ಗೆ​ ಸಂಬಂಧಿಸಿದ ದೂರುಗಳನ್ನು ಸಂತ್ರಸ್ತರು ತಮ್ಮ ಮೊಬೈಲ್​ನಿಂದಲೇ ನೇರವಾಗಿ ದೂರು ಸಲ್ಲಿಸಬಹುದಾಗಿದೆ. ಇದರ ಜೊತೆಗೆ ಲೈಂಗಿಕ ಅಪರಾಧಿಗಳ ಡಾಟಾಬೇಸ್​ ಹೊಂದಿರೋ ಪೋರ್ಟಲ್​ನ್ನು ಹೊರತರಲು ಗೃಹ ಸಚಿವಾಲಯ ನಿರ್ಧರಿಸಿದೆ. ಈಗಾಗಲೇ 4.4ಲಕ್ಷಕ್ಕೂ ಅಧಿಕ ಲೈಂಗಿಕ ಅಪರಾಧಿಗಳ ಮಾಹಿತಿ ದಾಖಲಾಗಿದ್ದು 2005ರ ನಂತರದ ಡಾಟಾಬೇಸ್​ನ್ನು ಪೋರ್ಟಲ್​ಗೆ ಅಪ್​ಡೇಟ್​ ಮಾಡುವಂತೆ ಎಲ್ಲಾ ರಾಜ್ಯದ ಪೊಲೀಸರಿಗೆ ಮನವಿ ಮಾಡಿದೆ. ಇದರಿಂದ ಲೈಂಗಿಕ ಅಪರಾಧಿಗಳನ್ನು ಚುರುಕಾಗಿ ಪತ್ತೆ ಹಚ್ಚಿ ತನಿಖೆ ಮಾಡಬಹುದು ಎಂದು ತಿಳಿಸಿದ್ದಾರೆ. ಇನ್ನು ಈ ಡಾಟಾಬೇಸ್​ನಲ್ಲಿ ಪ್ರತಿ ದೂರುದಾರರ ಹೆಸರು, ವಿಳಾಸ, ಭಾವಚಿತ್ರ, ಹಾಗೂ ಬೆರಳಿನ ಗುರುತುಗಳು ದಾಖಲಾಗಲಿದೆ. ಈ ಮಾಹಿತಿ ಕೇವಲ ಸಂಬಂಧಿತ ಇಲಾಖೆಗೆ ಮಾತ್ರ ಸೀಮಿತವಾಗಿದ್ದು ಸಾರ್ವಜನಿಕರಿಗೆ ಲಭ್ಯವಿರುವುದಿಲ್ಲ. ಅಲ್ಲದೇ ದೂರು ಸಲ್ಲಿಸಿದವರ ಮಾಹಿತಿಯನ್ನೂ ಸಹ ಗೌಪ್ಯವಾಗಿಡಲಾಗುವುದು ಎಂದು ತಿಳಿಸಿದ್ದಾರೆ.