ಮಾಜಿ ಚುನಾವಣಾ ಆಯುಕ್ತ ಒ.ಪಿ.ರಾವತ್‌ ನಕಲಿ ವೋಟರ್‌ ಐಡಿ..?

ಹೈದರಾಬಾದ್​: ಮುಖ್ಯ ಚುನಾವಣಾ ಆಯುಕ್ತರಾಗಿದ್ದ ಒ.ಪಿ.ರಾವತ್, ತೆಲಂಗಾಣ ಮುಖ್ಯ ಚುನಾವಣಾಧಿಕಾರಿ ರಜತ್​ ಕುಮಾರ್​ ಹೆಸರಿನಲ್ಲಿ ನಕಲಿ ವೋಟರ್​ ಐಡಿಗಳು ಪತ್ತೆಯಾಗಿವೆ.ಇದೇ 26 ರಂದು ಈ ಸಂಬಂಧ ದೂರು ದಾಖಲಾಗಿದ್ದು, ತನಿಖೆ ಕೈಗೊಂಡಿರುವುದಾಗಿ ಅಲ್ಲಿನ ಹೆಚ್ಚುವರಿ ಆರ್ಥಿಕ ಅಪರಾಧ ದಳದ ಡಿಸಿಪಿ ಜೋಗಯ್ಯ ಹೇಳಿದ್ದಾರೆ. ಅನಾಮಧೇಯ ವ್ಯಕ್ತಿಗಳು ಒ.ಪಿ.ರಾವತ್​ ಹಾಗೂ ರಜತ್​ಕುಮಾರ್​ ಹೆಸರಲ್ಲಿ ವೋಟರ್​ ಐಡಿಗೆ ದಾಖಲೆಗಳನ್ನು ಸಲ್ಲಿಸಿದ್ದಾರೆ. ಆನ್​ಲೈನ್​ನಲ್ಲಿ ಇವರಿಬ್ಬರ ಹೆಸರು ನಮೂದಿಸಿ ನಕಲಿ ವಿದ್ಯುತ್‌​ ಬಿಲ್​, ಫೇಕ್​ ವೋಟರ್​ಐಡಿ ಅಪ್​ಲೋಡ್​ ಮಾಡಿದ್ದಾರೆ. ವ್ಯಕ್ತಿಗಳ ವಿರುದ್ಧ ಐಪಿಸಿ ಸೆಕ್ಷನ್​ 419, 468, 471 ಅಡಿ ದೂರು ದಾಖಲಾಗಿದೆ. ಎಲ್ಲಿಂದ ದಾಖಲೆಗಳನ್ನು ಅಪ್​ಲೋಡ್​ ಮಾಡಲಾಗಿದೆ ಎಂಬುದರ ಕುರಿತು ತನಿಖೆ ನಡೆಸಲಾಗ್ತಿದೆ ಅಂತ ಹೇಳಿದ್ದಾರೆ.