ಐಪಿಎಲ್​​ ಮ್ಯಾಚ್​ನಲ್ಲೇ ಕೊಹ್ಲಿ-ರೈನಾ ಕಾಳಗ..

ಬೆಂಗಳೂರು: ಐಪಿಎಲ್ 12ನೇ ಸೀಸನ್ ಇಂದಿನಿಂದ ಆರಂಭವಾಗಲಿದೆ. ಅದ್ರಲ್ಲು ಮೊದಲ ಪಂದ್ಯದಲ್ಲೇ ಎರಡು ಬಲಿಷ್ಠ ತಂಡಗಳು ಮುಖಾಮುಖಿಯಾಗಲಿವೆ. ಚೆನ್ನೈ ಸೂಪರ್ ಕಿಂಗ್ಸ್​ ಹಾಗೂ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡಗಳು ಫಸ್ಟ್​ ಮ್ಯಾಚ್​ನಲ್ಲಿ ಎದುರಾಗಲಿದ್ದು, ಹೈವೋಲ್ಟೇಜ್ ಪಂದ್ಯ ಎನಿಸಿಕೊಂಡಿದೆ.ಈ ಮಧ್ಯೆ ಮೊದಲ ಪಂದ್ಯದಲ್ಲೆ ಕೊಹ್ಲಿ ಹಾಗೂ ರೈನಾ ವಿಶೇಷ ದಾಖಲೆ ಬರೆಯಲು ಉತ್ಸುಕರಾಗಿದ್ದಾರೆ. ಐಪಿಎಲ್ ಐತಿಹಾಸದ ಸ್ಕೋರ್​​ಬೋರ್ಡ್​ನಲ್ಲಿ 5000ದ​ ಗಡಿ ದಾಟಲು ಇಬ್ಬರು ಸಜ್ಜಾಗಿದ್ದು, ವಿರಾಟ್ ಕೊಹ್ಲಿ ಹಾಗೂ ಸುರೇಶ್ ರೈನಾ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ.ಸಿಎಸ್​ಕೆ ತಂಡದ ಬ್ಯಾಟ್ಸ್​ಮನ್​ ಸುರೇಶ್ ರೈನಾಗೆ ಈ ಸಾಧನೆ ಮಾಡಲು ಕೇವಲ 15 ರನ್​ಗಳ ಅವಶ್ಯಕತೆಯಿದೆ.ಐಪಿಎಲ್​​​ನಲ್ಲಿ ಒಟ್ಟು 176 ಪಂದ್ಯಗಳನ್ನು ಆಡಿರುವ ರೈನಾ 4985 ರನ್ ಬಾರಿಸಿ ಅತಿಹೆಚ್ಚು ರನ್​ಗಳಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಕೇವಲ 15 ರನ್​ ಬಾರಿಸಿದರೆ ರೈನಾ ಐಪಿಎಲ್ ಇತಿಹಾಸದಲ್ಲಿ 5 ಸಾವಿರ ರನ್ ಪೂರೈಸಿದ ಮೊದಲ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾಗಲಿದ್ದಾರೆ.ಇನ್ನು ಆರ್​ಸಿಬಿ ತಂಡದ ನಾಯಕ ವಿರಾಟ್ ಕೊಹ್ಲಿ ಕೂಡ 5 ಸಾವಿರ ರನ್​ಗಳ ಸನಿಹದಲ್ಲಿದ್ದಾರೆ. 163 ಪಂದ್ಯಗಳನ್ನು ಆಡಿರುವ ಕೊಹ್ಲಿ ಒಟ್ಟು 4948 ರನ್ ಬಾರಿಸಿದ್ದಾರೆ. ಕೊಹ್ಲಿ ಸಿಎಸ್​ಕೆ ವಿರುದ್ಧದ ಮೊದಲ ಪಂದ್ಯದಲ್ಲಿ 42 ರನ್ ಗಳಿಸಿದ್ರೆ 5 ಸಾವಿರ ರನ್ ​ಬಾರಿಸಿದ ಸಾಧನೆ ಮಾಡಲಿದ್ದಾರೆ. ಸದ್ಯ ಈ ವಿಚಾರದಲ್ಲಿ ಸುರೇಶ್ ರೈನಾ ಹಾಗೂ ವಿರಾಟ್ ಕೊಹ್ಲಿ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದ್ದು ಯಾರು ಮೊದಲು 5 ಸಾವಿರ ರನ್​ಗಳ ಗಡಿ ಮುಟ್ಟಲಿದ್ದಾರೆ ಅನ್ನೋ ಕುತೂಹಲಕ್ಕೆ ಇಂದಿನ ಪಂದ್ಯದಲ್ಲಿ ಉತ್ತರ ಸಿಗಲಿದೆ.