ಕಾಶಿ ವಿಶ್ವನಾಥನಿ​ಗೆ​ ಪೂಜೆ ಸಲ್ಲಿಸಿದ್ದಕ್ಕೆ ಪ್ರಿಯಾಂಕಾ ವಿರುದ್ಧ ಕೇಸ್​

ವಾರಣಾಸಿ: ಕಾಂಗ್ರೆಸ್​ನ ಸ್ಟಾರ್​ ಕ್ಯಾಂಪೇನರ್​ ಹಾಗೂ ಯುಪಿ ಕಾಂಗ್ರೆಸ್​ ಜನರಲ್ ಸೆಕ್ರಟರಿ ಪ್ರಿಯಾಂಕಾ ಗಾಂಧಿ ವಾದ್ರಾ, ಕಾಶಿ ವಿಶ್ವನಾಥನ ಸನ್ನಿಧಿಯಲ್ಲಿ, ಪೂಜಾ ಸ್ಥಳವನ್ನ ಅಪವಿತ್ರಗೊಳಿಸಿ, ಹಿಂದೂ ಧರ್ಮದ ನಂಬಿಕೆಗೆ ಧಕ್ಕೆ ತಂದಿದ್ದಾರೆಂದು ಆರೋಪಿಸಿ ವಕೀಲರೊಬ್ಬರು ಕೋರ್ಟ್​ನಲ್ಲಿ ಕೇಸ್​ ದಾಖಲಿಸಿದ್ದಾರೆ. ವಾರಣಾಸಿ ಮೂಲದ ವಕೀಲ ತ್ರಿಪಾಠಿ ಚೀಫ್​ ಜುಡಿಶಿಯಲ್​ ಮ್ಯಾಜಿಸ್ಟ್ರೇಟ್​ (ಸಿಜೆಎಂ) ಕೋರ್ಟ್​ನಲ್ಲಿ ಪ್ರಿಯಾಂಕಾ ಗಾಂಧಿ ವಿರುದ್ಧ ಕೋರ್ಟ್​ನಲ್ಲಿ ಕೇಸ್​ ದಾಖಲಿಸಿದ್ದಾರೆ. ಇನ್ನೂ ಈ ಸಂಬಂಧ ಅರ್ಜಿ ವಿಚಾರಣೆಯನ್ನ ಕೈಗೆತ್ತಿಕೊಂಡ ಕೋರ್ಟ್​ ಈ ಬಗ್ಗೆ ಏಪ್ರಿಲ್​ 12ರಂದು ವಿಚಾರಣೆ ನಡೆಸಲಾಗುವುದು ಎಂದು ತಿಳಿಸಿದೆ.ಪ್ರಿಯಾಂಕಾ ಗಾಂಧಿ ಮಾರ್ಚ್​ 20ರಂದು ಕಾಶಿ ವಿಶ್ವನಾಥನ​ ದೇವಾಲಯಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದ್ರು. ಆದರೆ, ಪ್ರಿಯಾಂಕ ಗಾಂಧಿ ಕ್ರಿಶ್ಚಿಯನ್​ ಧರ್ಮಕ್ಕೆ ಸೇರಿದವರಾಗಿದ್ದು, ಮಾಂಸಹಾರಿಯಾಗಿದ್ದಾರೆ. ಹಿಂದೂ ಸಂಪ್ರದಾಯಗಳನ್ನ ಪಾಲಿಸದೇ ಕಾಶಿವಿಶ್ವನಾಥನ​ ದೇವಾಲಯ ಪ್ರವೇಶಿಸಿ ಪೂಜೆ ಸಲ್ಲಿಸಿದ್ದಾರೆ. ಹೀಗಾಗಿ ಇಂಡಿಯನ್ ಪಿನಲ್​ ಕೋಡ್​ 419 ವಂಚನೆ ಹಾಗೂ ನಕಲು ಆರೋಪ, 295 ಧಾರ್ಮಿಕ ಭಾವನೆ ಕೆರಳಿಸುವುದು, 295A ಧರ್ಮಕ್ಕೆ ಮಾಡಿದ ಅಪಮಾನ ಹಾಗೂ ಅವಮಾನ ಎಸಗುವ ಯತ್ನ ಸೆಕ್ಷನ್​ಗಳಡಿ ಕೋರ್ಟ್​ ದೂರಿನಲ್ಲಿ ದಾಖಲಿಸಲಾಗಿದೆ ಎಂದು ತ್ರಿಪಾಠಿ ತಿಳಿದ್ದಾರೆ.