ಸಕಲ ಸರ್ಕಾರಿ ಗೌರವದೊಂದಿಗೆ ನೆರವೇರಿದ ಪ್ರಕಾಶ ಅಂತ್ಯ ಸಂಸ್ಕಾರ

ನಿಪ್ಪಾಣಿ: ತುಮಕೂರು ಬಳಿ ಸೋಮವಾರ ಸಂಭವಿಸಿದ ಅಪಘಾತದಲ್ಲಿ ಸಾವಿಗೀಡಾದ, ವಾಯುಸೇನೆಯಲ್ಲಿ ನಾಯಕನಾಗಿ ಕಾರ್ಯನಿರ್ವಹಿಸುತ್ತಿದ್ದ ತಾಲ್ಲೂಕಿನ ಬೆನಾಡಿ ಗ್ರಾಮದ ಪ್ರಕಾಶ ರಾಮಚಂದ್ರ ದೇಶಿಂಗೆ (33) ಅವರ ಅಂತ್ಯಸಂಸ್ಕಾರ ವಾಯುಸೇನೆಯಿಂದ ಸಕಲ ಗೌರವಗಳೊಂದಿಗೆ ಮಂಗಳವಾರ ಸ್ವಗ್ರಾಮದಲ್ಲಿ ನಡೆಯಿತು.

ಆಕಾಶದತ್ತ ಗುಂಡು ಹಾರಿಸಿ ವಾಯುಸೇನೆಯ ಸಿಬ್ಬಂದಿ ಪ್ರಕಾಶ ಅವರಿಗೆ ಗೌರವ ಸಲ್ಲಿಸಿದರು. ಅವರ ಅಕಾಲಿಕ ನಿಧನದಿಂದ ಗ್ರಾಮದಲ್ಲಿ ನೀರವ ಮೌನ ಆವರಿಸಿದೆ. ಕುಟುಂಬದವರು ದುಃಖದ ಕಡಲಲ್ಲಿ ಮುಳುಗಿದ್ದಾರೆ.