ರಾಜ್ಯ ಹೆದ್ದಾರಿ ಅಭಿವೃದ್ಧಿ ಕಾಮಗಾರಿ ಅಭಿವೃದ್ಧಿಗೆ ಸಚಿವ ಶಂಕರ ಪಾಟೀಲ ಮುನೇನಕೊಪ್ಪ ಚಾಲನೆ

ಹುಬ್ಬಳ್ಳಿ:ಲೋಕೋಪಯೋಗಿ ಇಲಾಖೆಯು ರಾಜ್ಯ ಹೆದ್ದಾರಿ ಅಭಿವೃದ್ಧಿ ಯೋಜನೆಯ ಹಂತ 4ರ ಅನುದಾನದಡಿ ನವಲಗುಂದ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಹುಬ್ಬಳ್ಳಿ ತಾಲ್ಲೂಕಿನ ಹೆಬಸೂರನಿಂದ ಬ್ಯಾಹಟ್ಟಿ ವರೆಗೆ ರಾ.ಹೆ-28ರ  84.70 ಕಿ.ಮೀ.ದಿಂದ 99.30 ಕಿ. ಮೀ.ವರೆಗಿನ ರಸ್ತೆಯನ್ನು  10 ಕೋಟಿ ರೂ.ವೆಚ್ಚದಲ್ಲಿ ಅಭಿವೃದ್ಧಿಪಡಿಸುವ ಕಾಮಗಾರಿಗೆ ಕೈಮಗ್ಗ,ಜವಳಿ,ಕಬ್ಬು ಅಭಿವೃದ್ಧಿ ಹಾಗೂ ಸಕ್ಕರೆ ಸಚಿವ ಶಂಕರ ಪಾಟೀಲ ಮುನೇನಕೊಪ್ಪ ಇತ್ತೀಚೆಗೆ ಚಾಲನೆ ನೀಡಿದರು

.

 ಬೀಡಿ- ಬೆಳವಣಿಕೆ ರಾಜ್ಯ ಹೆದ್ದಾರಿ -56ರ ಬ್ಯಾಲ್ಯಾಳದಿಂದ ಹೆಬ್ಬಾಳದವರೆಗಿನ 62.95 ಕಿ.ಮೀ ಯಿಂದ 69.28 ಕಿ.ಮೀ.ವರೆಗಿನ ರಸ್ತೆಯನ್ನು 2021-22 ನೇ ಸಾಲಿನ ರಾಜ್ಯ ಹೆದ್ದಾರಿ ಅಭಿವೃದ್ಧಿ ಯೋಜನೆ (ಎಸ್.ಎಚ್.ಡಿ.ಪಿ)ಅಡಿಯಲ್ಲಿ 10.2 ಕೋಟಿ ರೂ.ವೆಚ್ಚದಲ್ಲಿ ಅಭಿವೃದ್ಧಿ ಪಡಿಸುವ ಕಾಮಗಾರಿಗೆ ಇದೇ ಸಂದರ್ಭದಲ್ಲಿ ಹನಸಿ ಗ್ರಾಮದ ಬಳಿ ಚಾಲನೆ ನೀಡಲಾಯಿತು.
 

ಹೆಬಸೂರ ,ಕಿರೇಸೂರ,ಹನಸಿ ಗ್ರಾಮ ಪಂಚಾಯತಿಗಳ ಅಧ್ಯಕ್ಷರು, ಉಪಾಧ್ಯಕ್ಷರು,ಸದಸ್ಯರು ,ಸ್ಥಳೀಯ ಮುಖಂಡರು ಉಪಸ್ಥಿತರಿದ್ದರು.