ಚೀನಾ ಬಿಎಫ್ 7 ವೈರಸ್ ಗೆ ಹುಬ್ಬಳ್ಳಿಯಲ್ಲಿ ಹೈ ಅಲರ್ಟ್ : ರಾಮಲಿಂಗಪ್ಪ ಸೂಚನೆ

ಹುಬ್ಬಳ್ಳಿ: ಚೀನಾ ಬಿಎಫ್ 7 ವೈರಸ್ ಗೆ ಈಗಾಗಲ್ಲೆ ದೇಶದಲ್ಲೆ ಮುಂಜಾಗೃತೆ  ಕ್ರಮ ವಹಿಸಿದ್ದು, ಅದರಂತೆ ವಾಣಿಜ್ಯ ನಗರಿ  ಹುಬ್ಬಳ್ಳಿಯಲ್ಲಿಯೂ ಆರೋಗ್ಯ ಮತ್ತು ಕುಟುಂಬ ಇಲಾಖೆ ಹಲವು ಕಟ್ಟು ನಿಟ್ಟಿನ ಕ್ರಮಗಳನ್ನು ಕೈಗೊಂಡಿದೆ ಎಂದು
ಕಿಮ್ಸ್ ನಿರ್ದೇಶಕ  ರಾಮಲಿಂಗಪ್ಪ ಹೇಳಿದರು.

ನಗರದಲ್ಲಿ ಮಾದ್ಯಮದವರ ಜೊತೆ ಮಾತನಾಡಿದ ಅವರು, ಉತ್ತರ ಕರ್ನಾಟಕದ ಸಂಜೀವಿನಿಯಾಗಿರುವ ಕಿಮ್ಸ್ ಆಸ್ಪತ್ರೆಯಲ್ಲಿಯೂ ಸಹ  100 ಬೆಡ್ ಗಳನ್ನು ವ್ಯವಸ್ಥೆಗಳನ್ನು ಕಲ್ಪಿಸಲಾಗಿದೆ.  ಧಾರವಾಡ ಜಿಲ್ಲೆಯಲ್ಲಿ ಈ ವರೆಗೂ ಯಾವುದೇ ಪ್ರಕರಣ ದಾಖಲಾಗಿಲ್ಲ. ಮುಂಜಾಗೃತ ಕ್ರಮವಾಗಿ 100 ಬೆಡ್ ಗಳ ವ್ಯವಸ್ಥೆ, 50 ವೆಂಟಿಲೇಟರ್, ಸೇರಿದಂತೆ ಹಲವು ಸಿದ್ದತೆಗಳನ್ನು ನಡೆಸಿದ್ದಾರೆ.

ಈ ಹಿಂದಿನಿಂದಲ್ಲೂ ಬೂಸ್ಟರ್ ಡೋಸ್ ಪಡೆಯದವರಿಗೂ ಬೂಸ್ಟರ್  ಡೋಸ್ ನೀಡುವ ವ್ಯವಸ್ಥೆಯನ್ನು ಮುಂದುವರೆಸಲಾಗಿದೆ.   ಹಾಗೂ ಪ್ರತಿಯೊಬ್ಬರು ಸಾಮಾಜಿಕ ಅಂತರ, ಮಾಸ್ಕ್ ಧರಿಸುವಂತೆ ಸೂಚನೆ ನೀಡಲಾಗಿದೆ. ಕಿಮ್ಮು, ನೆಗಡಿ, ಜ್ವರದ ಲಕ್ಷಣಗಳು ಕಂಡು ಬಂದಲ್ಲಿ ಕೂಡಲ್ಲೇ ವೈದ್ಯರ ಸಲಹೆ ಪಡೆಯುವಂತೆ ತಿಳಿಸಿದ್ದಾರೆ