ಎಪಿಕೆ ಫೈಲ್ ಡೌನ್‌ಲೋಡ್: 4,86,13.74ರೂ. ಮಾಯ

ಉಡುಪಿ: ವಾಟ್ಸಪ್‌ನಲ್ಲಿ ಬಂದ ಎಪಿಕೆ ಫೈಲ್ ಡೌನ್‌ಲೋಡ್ ಮಾಡಿದ ವ್ಯಕ್ತಿ ಬರೋಬ್ಬರಿ 4,86,13 ರೂ. ಕಳೆದುಕೊಂಡ ಘಟನೆ ಬಗ್ಗೆ ಸೆನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಅಬ್ದುಲ್ ಹಮೀದ್ ಎಂಬವರು ಪಡುಬಿದ್ರಿ ಹೆಜಮಾಡಿ ಬ್ರಾಂಚ್ ನ ಕೆನರಾ ಬ್ಯಾಂಕ್ ಮತ್ತು ಉತ್ತರಕನ್ನಡ ಜಿಲ್ಲೆಯ ಅಂಕೋಲಾ ಬ್ರಾಂಚ್ ನಲ್ಲಿ ಖಾತೆ ಹೊಂದಿದ್ದರು. ಎ.12ರಂದು ಬೆಳಗ್ಗೆ 7ಕ್ಕೆ ಅವರ ಪರಿಚಯದ ಕುಮಾರ ಸ್ವಾಮಿ ಎಂಬವರ ಮೊಬೈಲ್ ಸಂಖ್ಯೆಯಿಂದ ವಾಟ್ಸಪ್ ಮೂಲಕ ಆರ್‌ಟಿಒ ಚಲನ್ ಇ-ಕೋರ್ಟ್ ನೋಟಿಫಿಕೇಶನ್ ಎಂಬ ಎಪಿಕೆ ಫೈಲ್ ಬಂದಿತ್ತು. ಇದನ್ನು ಡೌನ್‌ಲೋಡ್‌ ಮಾಡಿದ ಬಳಿಕ ಎ.13ರಂದು ಹಂತ ಹಂತವಾಗಿ ಒಟ್ಟು 4,86,13.74ರೂ. ಕಡಿತವಾಗಿದೆ. ಅಬ್ದುಲ್ ಹಮೀದ್ ನೀಡಿದ ದೂರಿನಂತೆ ಪ್ರಕರಣ ದಾಖಲಿಸಿರುವ ಸೆನ್‌ ಅಪರಾಧ ಠಾಣಾ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.