ಜಾಗತಿಕ ಸಮೃದ್ಧಿಗೆ ಭಾರತ ಜಪಾನ್ ಸಂಬಂಧ ಅಭಿವೃದ್ಧಿಗೆ ಪೂರಕ: ಪ್ರಧಾನಿ ಮೋದಿ

ನವದೆಹಲಿ : ಜಾಗತಿಕ ಸಮೃದ್ಧಿಗೆ ಭಾರತ ಹಾಗೂ ಜಪಾನ್​ ನಡುವಿನ ಉಭಯ ರಾಷ್ಟ್ರಗಳ ಬಲವಾದ ಸಂಬಂಧವು ಅಭಿವೃದ್ಧಿಗೆ ಪೂರಕವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಅಭಿಪ್ರಾಯಪಟ್ಟರು.
ಅಮೆರಿಕಾದ ವಿಲ್ಮಿಂಗ್ಟನ್​​ನಲ್ಲಿ ನಡೆಯುತ್ತಿರುವ ಕ್ವಾಡ್​​​​​ ಶೃಂಗಸಭೆಯಲ್ಲಿ ಪಾಲ್ಗೊಂಡಿರುವ ಮೋದಿ ಅವರು, ಜಪಾನ್​​​ನ ಪ್ರಧಾನಿ ಫುಮಿಯೊ ಕಿಶಿಡಾ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಿದ್ದಾರೆ.
ಗ್ರೀನ್​​ ಎನರ್ಜಿ, ಸೆಮಿಕಂಡಕ್ಟರ್, ರಕ್ಷಣಾ ವಲಯ, ಮೂಲ ಸೌಕರ್ಯ ಮತ್ತಿರ ಮಹತ್ವದ ವಿಷಯಗಳಲ್ಲಿ ಭಾರತ ಜಪಾನ್​ ಉಭಯ ರಾಷ್ಟ್ರಗಳ ಸಹಕಾರದ ಕುರಿತು ಮೋದಿ ಅವರು ಚರ್ಚಿಸಿದ್ದಾರೆ. ಈಗಾಗಲೇ ಮೋದಿ ಅವರು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರನ್ನು ಭೇಟಿಯಾಗಿ, ಭಾರತ ಅಮೆರಿಕ ಉಭಯ ಸಂಬಂಧಗಳ ಕುರಿತಾಗಿ ಚರ್ಚೆ ನಡೆಸಿದ್ದರು.