ಭಾರತದಲ್ಲಿ ಶೀಘ್ರದಲ್ಲೇ 6ಜಿ ಸೇವೆ ಆರಂಭ: ಪ್ರಧಾನಿ ಮೋದಿ

ನವದೆಹಲಿ : ಭಾರತದಲ್ಲಿ ಸಂವಹನ ಕ್ರಾಂತಿಯ ಕ್ಷೇತ್ರದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಸಾಧಿಸಿರುವ ಪ್ರಗತಿ ಅತ್ಯಂತ ಮಹತ್ವದ್ದಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಬಣ್ಣಿಸಿದ್ದಾರೆ. ಕಳೆದ ಹತ್ತು ವರ್ಷಗಳಲ್ಲಿ ಭಾರತದಲ್ಲಿ ಮೊಬೈಲ್ ಮತ್ತು ಇಂಟರ್ನೆಟ್ ಕ್ಷೇತ್ರದಲ್ಲಿ ದೊಡ್ಡ ಕ್ರಾಂತಿಯಾಗಿದೆ ಎಂದರು.
5ಜಿ ರೂಪಾಂತರವನ್ನು ನೀಡಿದ್ದು, ನಾವು ಕೂಡ ಶೀಘ್ರದಲ್ಲೇ 6ಜಿ ನಲ್ಲಿ ಕೆಲಸ ಮಾಡಲಿದ್ದೇವೆ ಎಂದು ಹೇಳಿದರು.
ಇಂಡಿಯಾ ಮೊಬೈಲ್ ಕಾಂಗ್ರೆಸ್ 2024ರ ಉದ್ಘಾಟನೆಯ ಸಂದರ್ಭದಲ್ಲಿ, 21ನೇ ಶತಮಾನದಲ್ಲಿ, ಭಾರತದ ಮೊಬೈಲ್ ಮತ್ತು ಟೆಲಿಕಾಂ ಪ್ರಯಾಣವು ಇಡೀ ವಿಶ್ವಕ್ಕೆ ವಿಶೇಷ ಆಸಕ್ತಿಯ ವಿಷಯವಾಗಿದೆ ಎಂದು ಹೇಳಿದರು. ಇಂದಿನಂತೆ ಭಾರತದಲ್ಲಿ 120 ಕೋಟಿ ಮೊಬೈಲ್ ಬಳಕೆದಾರರಿದ್ದು, 95 ಕೋಟಿ ಇಂಟರ್ನೆಟ್ ಬಳಕೆದಾರರಿದ್ದಾರೆ ಎಂದು ಹೇಳಿದರು. ಈ ಅಂಕಿ ಅಂಶವು ಬಹಳ ಮುಖ್ಯವಾಗಿದೆ. ಭಾರತ ಇಡೀ ವಿಶ್ವದ ಗಮನ ಸೆಳೆದಿದೆ ಇದು ದೇಶದ ಮಹತ್ವದ ಸಾಧನೆಯಾಗಿದೆ.
ಭಾರತದಲ್ಲಿ ಇಂದು ಟೆಲಿಕಾಂ ಕ್ಷೇತ್ರದಲ್ಲಿ ಆಗಿರುವ ಪ್ರಗತಿ ಊಹೆಗೂ ನಿಲುಕದ್ದು ಎಂದು ಪ್ರಧಾನಿ ಮೋದಿ ಹೇಳಿದ್ದು, ಇಂದಿನ ಕಾರ್ಯಕ್ರಮ ಅತ್ಯಂತ ಮಹತ್ವದ್ದಾಗಿದೆ ಎಂದರು. ಇದು ಗುಣಮಟ್ಟ ಮತ್ತು ಸೇವೆಯ ಸಂಗಮವಾಗಿದೆ. ಐಟಿಯು ಮತ್ತು ಇಂಡಿಯಾ ಮೊಬೈಲ್ ಕಾಂಗ್ರೆಸ್‌ ನ ಒಗ್ಗೂಡುವಿಕೆ ಸಮಯದ ಅಗತ್ಯವಾಗಿದೆ ಮತ್ತು ಕ್ರಾಂತಿಕಾರಿ ಉಪಕ್ರಮವಾಗಿದೆ. ಭಾರತವು ಸಾವಿರಾರು ವರ್ಷಗಳಿಂದ ವಸುಧೈವ ಕಟುಂಬಕಂ ಎಂಬ ಸಂದೇಶವನ್ನ ನೀಡಿದೆ ಸಂವಹನದಲ್ಲಿ ಸಾಧನೆ ಮಾಡುವುದು ಇಂದಿನ ಭಾರತದ ಧ್ಯೇಯವಾಗಿದೆ. ಭಾರತ ವಿಶ್ವದಲ್ಲಿ ಪ್ರಗತಿಯ ಹಾದಿಯನ್ನು ಸುಗಮಗೊಳಿಸುತ್ತಿದೆ ಎಂದು ಹೇಳಿದರು.