ಕಾಡಾನೆಗಳ ಗುಂಪಿಗೆ ಡಿಕ್ಕಿ ಹೊಡೆದು ಹಳಿ ತಪ್ಪಿದ ಪೆಟ್ರೋಲ್ ರೈಲು

ಕೊಲಂಬೊ: ಲಕ್ಷಗಟ್ಟಲೆ ಪೆಟ್ರೋಲ್ ಸಾಗಿಸುತ್ತಿದ್ದ ರೈಲು ಭಾರಿ ಅಪಘಾತಕ್ಕೀಡಾಗಿದ್ದು, ಕೊಲಂಬೊದಿಂದ ಬ್ಯಾಟಿಕಲೋವಾಕ್ಕೆ ತೆರಳುತ್ತಿದ್ದ ರೈಲು ಮಿನ್ನೇರಿಯಾ ರೈಲು ನಿಲ್ದಾಣದ ಬಳಿ ಅಪಘಾತಕ್ಕೀಡಾಗಿದೆ.
ಹಳಿಗಳ ಮೇಲೆ ಆನೆಗಳ ಗುಂಪನ್ನು ನೋಡಿದ ಲೊಕೊ ಪೈಲಟ್ ಇದ್ದಕ್ಕಿದ್ದಂತೆ ಬ್ರೇಕ್ ಹಾಕಿದರು.
ರೈಲಿನ ನಾಲ್ಕು ಬೋಗಿಗಳು ಹಳಿ ತಪ್ಪಿವೆ ಎರಡು ಬೋಗಿಗಳು ಸಂಪೂರ್ಣವಾಗಿ ಪೆಟ್ರೋಲ್ ಸೋರಿಕೆಯಾಗಿ ನೆಲಕ್ಕೆ ಬಿದ್ದವು. ಉಳಿದ ಬೋಗಿಗಳಿಂದ ಇಂಧನ ತೆಗೆಯಲು ಅಧಿಕಾರಿಗಳು ಕ್ರಮ ಕೈಗೊಂಡಿದ್ದಾರೆ. ಈ ಅವಘಡದಲ್ಲಿ ಎರಡು ಆನೆಗಳು ಸಾವನ್ನಪ್ಪಿದ್ದು, ಉಳಿದ ಆನೆಗಳು ಗಾಯಗೊಂಡಿವೆ ಶ್ರೀಲಂಕಾದ ಉತ್ತರ ಮಧ್ಯ ಪ್ರಾಂತ್ಯದಲ್ಲಿ ಈ ಘಟನೆ ನಡೆದಿದೆ.
ಶ್ರೀಲಂಕಾದ ಉತ್ತರ ಮಧ್ಯ ಪ್ರಾಂತ್ಯದಲ್ಲಿ ರೈಲು ಹಳಿ ಮೇಲೆ ಕಾಡು ಆನೆಗಳ ಹಿಂಡಿಗೆ ಡಿಕ್ಕಿ ಹೊಡೆದ ನಂತರ ಇಂಧನ ಸಾಗಿಸುತ್ತಿದ್ದ ರೈಲು ಹಳಿತಪ್ಪಿದೆ ಎಂದು ರೈಲ್ವೆ ಇಲಾಖೆ ವರದಿ ಮಾಡಿದೆ. ಕೊಲಂಬೊದ ಕೊಲೊನ್ನಾವಾ ಪೆಟ್ರೋಲಿಯಂ ಸ್ಟೋರೇಜ್ ಟರ್ಮಿನಲ್‌ನಿಂದ ಪೂರ್ವ ಪ್ರಾಂತ್ಯದ ಬ್ಯಾಟಿಕಲೋವಾಕ್ಕೆ ರೈಲು ಪ್ರಯಾಣಿಸುತ್ತಿದ್ದಾಗ ಹಠಾತ್ ಬ್ರೇಕ್ ಹಾಕಿದ್ದರಿಂದ ಮತ್ತು ಆನೆಗಳಿಗೆ ಡಿಕ್ಕಿ ಹೊಡೆದಿದ್ದರಿಂದ ನಾಲ್ಕು ಇಂಧನ ಟ್ಯಾಂಕರ್ ಗಳು ಹಳಿತಪ್ಪಿದ್ದು, ರೈಲು ಹಳಿಗಳಿಗೆ ತೀವ್ರ ಹಾನಿಯಾಗಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.
ಈ ಅವಘಡದಲ್ಲಿ ಎರಡು ಆನೆಗಳು ಸಾವನ್ನಪ್ಪಿದ್ದು, ಇತರ ಆನೆಗಳು ಗಂಭೀರವಾಗಿ ಗಾಯಗೊಂಡಿವೆ ಎಂದು ಸ್ಥಳೀಯ ಮಾಧ್ಯಮಗಳು ತಿಳಿಸಿವೆ. ಅಪಘಾತದ ಕಾರಣ, ಕೊಲಂಬೊ-ಬಟಿಕಲೋವಾ ಮುಖ್ಯ ಮಾರ್ಗದಲ್ಲಿ ರೈಲು ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.