ಮೊಸಳೆಯ ಬಾಲ ಹಿಡಿದು ಹುಚ್ಚಾಟ ಮೆರೆದ ವ್ಯಕ್ತಿ!!

ಮೊಸಳೆಗಳು ತಮ್ಮ ಶಕ್ತಿಶಾಲಿ ದವಡೆ ಮತ್ತು ತೀಕ್ಷ್ಣವಾದ ಹಲ್ಲುಗಳಿಂದಾಗಿ ಅತ್ಯಂತ ಅಪಾಯಕಾರಿ ಜೀವಿಗಳೆಂದು ಪರಿಗಣಿತವಾಗಿವೆ. ಮನುಷ್ಯರನ್ನೇ ಜೀವಂತವಾಗಿ ತಿನ್ನುವ ಉದಾಹರಣೆಗಳು ಇತಿಹಾಸದಲ್ಲಿ ಹಲವಾರು ದಾಖಲಾಗಿವೆ. ಆದರೆ, ಮೈಕ್ ಹೋಲ್ಸ್ಟನ್ ಎಂಬ ಸಾಹಸಿ, ದೈತ್ಯ ಮೊಸಳೆಗಳಿರುವ ಕೊಳಕ್ಕೆ ಧೈರ್ಯದಿಂದ ಇಳಿದು, ಒಂದು ಮೊಸಳೆಯ ಬಾಲವನ್ನು ಹಿಡಿದು ಎಳೆಯುವ ದೃಶ್ಯವನ್ನು ವಿಡಿಯೋದಲ್ಲಿ ಸೆರೆಹಿಡಿದಿದ್ದಾನೆ. ಈ ವಿಡಿಯೋವನ್ನು ಆತನ ಇನ್ಸ್ಟಾಗ್ರಾಮ್ ಖಾತೆ ಯಲ್ಲಿ ಜೂನ್ 20ರಂದು ಹಂಚಿಕೊಳ್ಳಲಾಗಿದ್ದು, ಇದು ತಕ್ಷಣವೇ ವಿಶ್ವದಾದ್ಯಂತ ಗಮನ ಸೆಳೆದಿದೆ.