ಹುಬ್ಬಳ್ಳಿ :ಬಸ್‌ಗಳ ನಡುವೆ ಅಪಘಾತ, ಚಾಲಕರಿಗೆ ಹಾರ ಹಾಕಿ ಅವಮಾನ ಮಾಡಿದ ಅಧಿಕಾರಿಗಳು!

ಹುಬ್ಬಳ್ಳಿ ಧಾರವಾಡ ನಗರ ಸಾರಿಗೆ ವಿಭಾಗದ ಹುಬ್ಬಳ್ಳಿ ಘಟಕಕ್ಕೆ ಸೇರಿದ ಬಸ್‌ಗಳು ಸರಿಯಾಗಿ ಬ್ರೇಕ್‌ ಹಿಡಿಯದ ಕಾರಣ ಒಂದು ಚಿಗರಿ ಬಸ್‌ ಇನ್ನೊಂದು ಚಿಗರಿ ಬಸ್‌ಗೆ ಡಿಕ್ಕಿ ಹೊಡೆದಿದ್ದು, ಟೋಲ್‌ ನಾಕಾ ಹತ್ತಿರ ಸಣ್ಣ ಅಪಘಾತವಾಗಿದೆ.ಚಾಲಕರನ್ನ ಕಚೇರಿಗೆ ಕರೆಸಿಕೊಂಡಿರುವ ಡಿಸಿ ಸಿದ್ದಲ್ಲಿಂಗೇಶ್‌ ಹಾಗೂ ಡಿಇಎಂ ಪ್ರವೀಣ್‌ ಅವರು ಇಬ್ಬರಿಗೂ ಹಾರ ಹಾಕಿ ಫೋಟೋ ತೆಗೆದಿದ್ದಾರೆ. ಇದಿಷ್ಟೇ ಅಲ್ಲದೇ, ಆ ಫೋಟೋಗಳನ್ನ ಸಾಮಾಜಿಕ ಮಾಧ್ಯಮದಲ್ಲಿ ಸಹ ಹಾಕಿದ್ದು, ಇದರಿಂದ ಅವರಿಗೆ ಅವಮಾನವಾಗಿದೆ. ಅಧಿಕಾರಿಗಳು ತಮ್ಮ ತಪ್ಪನ್ನ ಮುಚ್ಚಿ ಹಾಕಲು ಈ ಕೆಲಸ ಮಾಡಿದ್ದಾರೆ ಎನ್ನಲಾಗುತ್ತಿದೆ.ಈ ರೀತಿ ಅವಮಾನ ಮಾಡಿರುವುದು ಸರಿಯಲ್ಲ ಎಂದು ಸಿಬ್ಬಂದಿ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.