ಮೈಸೂರಲ್ಲಿ ದಶಕಗಳ ಹಳೆಯ ಸೇತುವೆ ಕುಸಿತ – ನಾಲೆಗೆ ಬಿದ್ದ ಭತ್ತ ಸಾಗಿಸುತ್ತಿದ್ದ ಲಾರಿ.!

ಸರಗೂರು ತಾಲೂಕಿನ ಬಲದಂಡೆ ನಾಲೆ ಸೇತುವೆ ಕುಸಿದ ಪರಿಣಾಮ ಭತ್ತ ಸಾಗಿಸುತ್ತಿದ್ದ ಲಾರಿಯೊಂದು ನಾಲೆಗೆ ಬಿದ್ದಿರುವ ಘಟನೆ ನಡೆದಿದ್ದು, ಅದೃಷ್ಟವಾಶತ್ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ.ಮೈಸೂರಿನ ಇಟ್ನ ಗ್ರಾಮದಿಂದ ತಮಿಳುನಾಡಿಗೆ ಭತ್ತ ತುಂಬಿಕೊಂಡು ಹೋಗುತ್ತಿದ್ದ TN 52 8333 ನಂಬರ್ ಪ್ಲೇಟ್ ನ ಲಾರಿಯೊಂದು ಸೇತುವೆ ಮೇಲೆ ಹೋಗುತ್ತಿದ್ದಾಗ ಏಕಾಏಕಿ ಸೇತುವೆ ಕುಸಿದು ಬಿದ್ದಿದ್ದು, ಭತ್ತ ಸಾಗಿಸುತ್ತಿದ್ದ ಲಾರಿ ನಾಲೆಗೆ ಬಿದ್ದಿದೆ.

ದಶಕಗಳ ಹಳೆಯ ಸೇತುವೆ ಇದಾಗಿದ್ದು, ರಸ್ತೆಯಲ್ಲಿ ಯಾವ ವಾಹನಗಳು ಪ್ರಯಾಣಿಸದಂತೆ ಪೊಲೀಸರು ಬ್ಯಾರಿಗೇಟ್ ಹಾಕಿದ್ದರು. ಆದರೆ ರಾತ್ರಿಯ ವೇಳೆ ಗೇಟ್ ಸರಿಸಿ ಲಾರಿಯನ್ನು ಸೇತುವೆ ಮೇಲೆ ಹೋಗಿದ್ದಾರೆ. ಪರಿಣಾಮ ತೂಕ ಜಾಸ್ತಿಯಾಗಿ ಸೇತುವೆ ಕುಸಿದಿದೆ ಎಂದು ಕಬಿನಿ ಜಲಾಶಯದ ಕಾರ್ಯಪಾಲಕ ಅಭಿಯಂತರ ಕೆ.ಉಷಾ ತಿಳಿಸಿದರು.