ಇಸ್ರೇಲ್‌ನಿಂದ ಗಾಜಾದ ಬಹುಮಹಡಿ ಕಟ್ಟಡಗಳ ಧ್ವಂಸ.

ಗಾಜಾ ಮೇಲೆ ಇಸ್ರೇಲ್‌ ದಾಳಿ ಮುಂದುವರಿದಿದ್ದು, ಪ್ರಮುಖ ಬಹುಮಹಡಿ ಕಟ್ಟಡವಾದ “ಸೂಸಿ ಟವರ್‌’ ಅನ್ನು ಶನಿವಾರ ಧ್ವಂಸಗೊಳಿಸಿದೆ. 15 ಮಹಡಿಗಳ ಈ ಕಟ್ಟಡ ಕೆಲವೇ ಸೆಕೆಂಡುಗಳಲ್ಲಿ ಕುಸಿದು ಬೀಳುವ ವಿಡಿಯೋ ವೈರಲ್‌ ಆಗಿದೆ.ಶಸ್ತ್ರಾಸ್ತ್ರಗಳನ್ನು ಇಲ್ಲಿ ಸಂಗ್ರಹಿಸಿಡಲಾಗಿತ್ತು ಎಂದು ಇಸ್ರೇಲ್‌ ಆರೋಪಿಸಿದೆ. ದಾಳಿಗೂ ಮುನ್ನ ಕಟ್ಟಡದಿಂದ ಸ್ಥಳಾಂತರಗೊಳ್ಳಲು ನಿವಾಸಿಗಳಿಗೆ ಅವಕಾಶ ನೀಡಲಾಗಿತ್ತು ಎಂದೂ ತಿಳಿಸಿದೆ. ಶುಕ್ರವಾರ “ಮುಷ್ತಾಹಾ ಟವರ್‌’ ಎಂಬ ಕಟ್ಟಡವನ್ನು ಇಸ್ರೇಲ್‌ ಧ್ವಂಸಗೊಳಿಸಿತ್ತು.