ಧಾರವಾಡ :ಆನ್‌ಲೈನ್ ಗೇಮ್‌ಗೆ ಮತ್ತೊಬ್ಬ ಯುವಕ ದುರ್ಮರಣ!!

ಆನ್‌ಲೈನ್ ಗೇಮ್‌ನಲ್ಲಿ ಹಣ ಕಳೆದುಕೊಂಡ ಯುವಕನೊಬ್ಬ ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ತಾಲೂಕಿನ ಮಂಗಳಗಟ್ಟಿ ಗ್ರಾಮದಲ್ಲಿ ನಡೆದಿದೆ. ಈತ ಫೈನಾನ್ಸ್‌ಗೆ ಕಟ್ಟಬೇಕಿದ್ದ 53 ಸಾವಿರ ಹಣವನ್ನು ಆನ್‌ಲೈನ್ ಗೇಮ್‌ಗೆ ಬಳಸಿಕೊಂಡು ನಷ್ಟ ಅನುಭವಿಸಿದ್ದ. ಈ ಹಿಂದೆ ಕೂಡ ಈತ ಮಾಡಿದ್ದ ಸಾಲವನ್ನು ತಾಯಿ ಮಂಜವ್ವ ತೀರಿಸಿದ್ದರು. ಇದೀಗ ಮತ್ತೆ ಬಳಸಿದ ಫೈನಾನ್ಸ್ ಹಣವನ್ನು ಮಾಲೀಕರಿಗೆ ಕಟ್ಟಲಾಗದೆ ಮನನೊಂದು ಮಂಗಳಗಟ್ಟಿ ಗ್ರಾಮದ ಶೇಖನಗೌಡ ಪಾಟೀಲ ಅವರ ತೋಟದಲ್ಲಿ ಬೇವಿನ ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಗರಗ ಠಾಣೆಯಲ್ಲಿ ದೂರು ದಾಖಲಾಗಿದೆ.