ಭದ್ರತಾ ಪಡೆಗಳಿಂದ ಮಹತ್ವದ ಕಾರ್ಯಾಚರಣೆ: ಭಲಾರಾ ಅರಣ್ಯದಲ್ಲಿ ಉಗ್ರರ ಅಡಗು ತಾಣ ಪತ್ತೆ

ಭಲಾರಾ ಅರಣ್ಯ ಪ್ರದೇಶದಲ್ಲಿ ಜಮ್ಮು-ಕಾಶ್ಮೀರ ಪೊಲೀಸರ ವಿಶೇಷ ಕಾರ್ಯಾಚರಣೆ ತಂಡ ನಡೆಸಿದ ಶೋಧ ಕಾರ್ಯಾಚರಣೆಯಲ್ಲಿ ಉಗ್ರರ ಅಡಗು ತಾಣ ಪತ್ತೆಯಾಗಿದ್ದು, ಶಸ್ತ್ರಾಸ್ತ್ರ ಹಾಗೂ ಸಜೀವ ಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ.ಕಾಡಿನ ಒಳಭಾಗದಲ್ಲಿ ಮರೆಮಾಚಲಾಗಿದ್ದ ಅಡಗು ತಾಣ ಪತ್ತೆಯಾಗಿದ್ದು, ಅಲ್ಲಿ ಒಂದು ಎಸ್‌ಎಲ್‌ಆರ್ ರೈಫಲ್, ಎರಡು ಮ್ಯಾಗಜೀನ್‌ಗಳು ಹಾಗೂ 22 ಸುತ್ತಿನ ಸಜೀವ ಗುಂಡುಗಳು ದೊರೆತಿವೆ. ಭದ್ರತಾ ಪಡೆಗಳು ಶಸ್ತ್ರಾಸ್ತ್ರಗಳನ್ನು ತಕ್ಷಣವೇ ವಶಕ್ಕೆ ಪಡೆದು ಪ್ರದೇಶವನ್ನು ತಮ್ಮ ನಿಗ್ರಾಣಿಯಲ್ಲಿರಿಸಿವೆ.