ಒಡಿಶಾ ಮೂಲದ ಮೀನುಗಾರ ನಾಪತ್ತೆ

ಮಲ್ಪೆ ಬಂದರಿನ ಈಶದುರ್ಗಾ ಹೆಸರಿನ ಪರ್ಸಿನ್‌ ಬೋಟಿನಲ್ಲಿ ಮೀನುಗಾರಿಕೆ ಕೆಲಸ ಮಾಡಿಕೊಂಡಿದ್ದ ಒಡಿಶಾ ರಾಜ್ಯದ ಪುರಿ ಜಿಲ್ಲೆಯ ನಿವಾಸಿ ಬಿಸು ಬೆಹೆರಾ (35) ಎಂಬವರು ನಾಪತ್ತೆಯಾಗಿರುವ ಬಗ್ಗೆ ಮಲ್ಪೆ ಪೊಲೀಸ್‌ ಠಾಣೆಗೆ ದೂರು ನೀಡಲಾಗಿದೆ. ಮಲ್ಪೆ ಹನುಮಾನ್‌ ನಗರದ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ ಅವರು ಡಿ.5ರಿಂದ ಬೋಟಿನ ಕೆಲಸಕ್ಕೆ ಹೋಗಿರಲಿಲ್ಲ. ಡಿ. 8ರಂದು ತನ್ನ ಬಟ್ಟೆಬರೆ ಜತೆ ಹೋದವರು ವಾಪಸು ಬಂದಿಲ್ಲ. ಅತ್ತ ತನ್ನ ಊರಿಗೂ ಹೋಗದೆ ನಾಪತ್ತೆಯಾಗಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.