ಹಿಂದೂಗಳ ಮೇಲಿನ ದೌರ್ಜನ್ಯ ಕೋಮಿನ ಕಾರಣಕ್ಕಲ್ಲ: ಬಾಂಗ್ಲಾ

ಬಾಂಗ್ಲಾದೇಶದಲ್ಲಿ ಹಿಂದೂಗಳ ಮೇಲೆ ದೌರ್ಜನ್ಯ ನಡೆಯುತ್ತಿದೆ ಎಂಬ ಭಾರತದ ಕಳವಳಗಳ ನಡುವೆಯೇ, 2025ರಲ್ಲಿ ಬಾಂಗ್ಲಾದೇಶದ ಅಲ್ಪಸಂಖ್ಯಾತ ಸಮುದಾಯದವರ ಮೇಲೆ ನಡೆದ ಹೆಚ್ಚಿನ ದೌರ್ಜನ್ಯದ ಘಟನೆಗಳು ಅಪರಾಧ ಸ್ವರೂಪದ್ದಾಗಿದ್ದು, ಕೋಮು ದ್ವೇಷದಿಂದ ಪ್ರೇರಿತವಾಗಿಲ್ಲ ಎಂದು ಅಲ್ಲಿನ ಮಧ್ಯಂತರ ಸರ್ಕಾರ ಸೋಮವಾರ ತಿಳಿಸಿದೆ.2025ರಲ್ಲಿ ಅಲ್ಪಸಂಖ್ಯಾತರಿಗೆ ಸಂಬಂಧಿಸಿದ ಒಟ್ಟು 645 ದೌರ್ಜನ್ಯಗಳು ದಾಖಲಾಗಿವೆ. ಈ ಪೈಕಿ 71 ಘಟನೆಗಳು ಮಾತ್ರವೇ ಕೋಮು ಪ್ರೇರೇಪಿತವಾಗಿದ್ದವು ಎಂದು ತಿಳಿಸಿದೆ. ಏತನ್ಮಧ್ಯೆ, ಬಾಂಗ್ಲಾದೇಶ ಮಧ್ಯಂತರ ಸರ್ಕಾರ ನೀಡಿರುವ ಅಂಕಿಅಂಶಗಳನ್ನು ಅಲ್ಪಸಂಖ್ಯಾತ ಸಂಘಟನೆಗಳು ತಿರಸ್ಕರಿಸಿದ್ದು, ಅಲ್ಪಸಂಖ್ಯಾತರ ವಿರುದ್ಧ ಕಾನೂನು ಕೈಗೆತ್ತಿಕೊಳ್ಳಲು ಸರ್ಕಾರವೇ ಅವಕಾಶ ನೀಡುತ್ತಿದೆ ಎಂದು ಆಪಾದಿಸಿವೆ.