ಯುವಕನನ್ನು ಅಪಹರಿಸಿ ಹಲ್ಲೆ

ಕಾಸರಗೋಡು: ಕಾಂಞಂಗಾಡ್‌ ಕೊಳವಯಲ್‌ ಟಿ.ಕೆ.ಹೌಸ್‌ನ ಟಿ.ಎ.ಸಹದಿ(37) ಅವರನ್ನು ಕಾರಿನಲ್ಲಿ ಅಪಹರಿಸಿ ಕಾಳುಮೆಣಸು ಸ್ಪ್ರೆ ಮಾಡಿದ ಬಳಿಕ ಹಲ್ಲೆಗೈದು ನಗ್ನ ಫೋಟೋ ತೆಗೆದು ಸೋಶ್ಯಲ್‌ ಮೀಡಿಯಾದಲ್ಲಿ ಪ್ರಚಾರಪಡಿಸುವುದಾಗಿ ಬೆದರಿಕೆಯೊಡ್ಡಿದ ಘಟನೆ ನಡೆದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿ ಕೊಳವಯಲ್‌ ನಿವಾಸಿ ಅಫ್ಸಲ್‌ ಹಾಗೂ ಗುರುತು ಹಚ್ಚಬಹುದಾದ ಇತರ ನಾಲ್ವರ ವಿರುದ್ಧ ಹೊಸದುರ್ಗ ಪೊಲೀಸರು ಕೇಸು ದಾಖಲಿಸಿದ್ದಾರೆ. ರಾತ್ರಿ ಇಕ್ಬಾಲ್‌ ಜಂಕ್ಷನ್‌ನಿಂದ ಅಪಹರಿಸಿ ಉಪ್ಪಳಕ್ಕೆ ಕರೆದೊಯ್ದು ಈ ಕೃತ್ಯ ಎಸಗಲಾಗಿದೆ. ಘಟನೆ ನಡೆದಿರುವುದು ಮಂಜೇಶ್ವರ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಆಗಿರುವುದರಿಂದ ಅವರಿಗೆ ಹಸ್ತಾಂತರಿಸಲಾಗುವುದೆಂದು ಹೊಸದುರ್ಗ ಪೊಲೀಸರು ತಿಳಿಸಿದ್ದಾರೆ.